सुमित्राबाई ठाकरे कॉलेजमध्ये विद्यार्थ्यांचा शपथविधी कार्यक्रम

सुमित्राबाई ठाकरे कॉलेजमध्ये विद्यार्थ्यांचा शपथविधी कार्यक्रम

भारतीय-वार्ता,यवतमाळ प्रतिनिधी: शहरातील सुमित्राबाई ठाकरे कॉलेज ऑफ नर्सिंग येथे शैक्षणिक वर्ष २०२०-२१ मध्ये प्रवेश घेतलेल्या नर्सिंगच्या विद्यार्थ्यांचा शपथविधी कार्यक्रम शुक्रवार, दि. ८ ऑक्टोबर रोजी महाविद्यालयात पार पडला. यावेळी प्रमुख पाहणे नवसंजीवन शिक्षण प्रसारक मंडळाचे व्यवस्थापक अशोक ठाकरे यांनी नर्सिंगच्या विद्यार्थ्यांनी कोरोना काळात मोलाचे सहकार्य केले.

या पुढील आयुष्यात मेहनतीने व प्रामाणिकपणे सेवा करावी  असे मत व्यक्त केले. कार्यक्रमाच्या सुरवातीला मुलींना शपथ देण्यात येवुन महाविद्यालयाच्या प्राचार्या डॉ. विरा चांदेकर यांनी प्रास्ताविक करून लॅम्प लायटिंगचे महत्व सांगितले. नर्सिंगच्या विद्याथ्यांनी अथक परिश्रम  करून रुग्णांची निस्वार्थ सेवा करावी व वैद्यकीय क्षेत्रात यशस्वी व्हावे. असे मार्गदर्शन राजेंद्र ठाकरे यांनी केले. कार्यक्रमाला महाविद्यालयाच्या उपप्राचार्य जेनी तेलमोरे व कर्मचारी वृंद उपस्थित होते.