जिल्ह्यात कोरोना बाधितांची संख्या शुन्यावर, 1 कोरोनामुक्त

ॲक्टीव्ह रुग्णांची संख्या 16

चंद्रपूर, दि. 4 डिसेंबर: जिल्हयात शनिवारी (दि.4)एकही कोरोनाबाधित रुग्ण आढळून आला नाही. गत 24 तासात जिल्ह्यात एकाने कोरोनावर मात केल्याने त्या रुग्णाला रुग्णालयातून सुटी देण्यात आली. तर जिल्ह्यात शनिवारी एकाही बाधिताचा  मृत्यू  झाला नाही.

जिल्ह्यात आतापर्यंत एकूण बाधितांची संख्या 88 हजार 859 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 87 हजार 300 झाली आहे. सध्या 16 बाधितांवर उपचार सुरू आहेत. आतापर्यंत 7 लाख 68 हजार 711  नमुन्यांची तपासणी करण्यात आली असून त्यापैकी 6 लाख 78 हजार 510 नमुने निगेटीव्ह आले आहेत. जिल्ह्यात आतापर्यंत 1543 बाधितांचे मृत्यू झाले आहे.

प्रशासनाचे आवाहन : नागरिकांनी कोरोना पुर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षीत अंतर राखणे या त्रीसुत्रीचा नियमित वापर करावा, स्वत:ची काळजी घ्यावी तसेच पात्र सर्व नागरिकांनी जवळच्या केंद्रावरून कोरोनाची लस घ्यावी, व प्रशासनाने दिलेल्या सूचनांचे पालन करावे, असे आवाहन जिल्हाधिकारी अजय गुल्हाने यांनी केले आहे.