ओबीसी जातनिहाय जनगणना व स्पर्धापरीक्षा मार्गदर्शनाकरिता नितेश कराळे मास्तर व उमेश कोर्राम वणीत

ओबीसी जातनिहाय जनगणना व स्पर्धापरीक्षा मार्गदर्शनाकरिता नितेश कराळे मास्तर व उमेश कोर्राम वणीत

वणी: आपल्या अस्सल वऱ्हाडी भाषेतून विद्यार्थ्यांना स्पर्धा परिक्षा, करिअर गाईडन्स व अन्य विषयावर अभ्यासपूर्ण मार्गदर्शन करणारे तसेच केंद्रसरकार असो वा राज्य सरकार यांच्या चुकीच्या धोरणावर थेट टीका करणारे, शेतकरी, विद्यार्थी व सामान्य नागरिकांचा प्रश्न अगदी रोखठोक सरकार समोर मांडणारे व नेहमी महाराष्ट्रातील आपत्कालीन परिस्थितीत मदतीसाठी धावून जाणारे  प्रा.नितेश कराळे, संचालक-फिनिक्स अकॅडमी, वर्धा आणि सोबतच उमेश कोर्राम, अध्यक्ष-स्टुडंट राईट असोसिएशन ऑफ इंडिया,नवी दिल्ली हे रविवार दि.10 ऑक्टोंबर ला शेतकरी मंदिर,वणी येथे दुपारी १२ वाजता ओबीसी जातनिहाय जनगणना , स्पर्धा परिक्षा व करिअर गाईडन्स कार्यशाळेत मार्गदर्शन करण्यासाठी  येणार आहेत. कार्यशाळेचे आयोजन ओबीसी (व्हिजे, एनटी, एसबीसी) जातनिहाय जनगणना कृती समिती वणी-मारेगाव-झरी,जि. यवतमाळ द्वारे करण्यात आले आहे.

ऑफलाईन असणारे हे गुरुजी कोरोना संकटामुळे ऑनलाइन झाले आणि आता तर ते नेटकऱ्यांमध्ये चांगलेच लोकप्रियही झाले. आता ते मास्तरचं नाही तर सेलिब्रिटी झाले आहेत आणि त्यांचे व्हिडिओ भारतातच नाही तर सातासमुद्रापार ही बघितले जातात. अनेक विषय घेऊन ते ऑनलाईन विद्यार्थ्यांना मार्गदर्शन करीत असतात. अतिशय सोप्या आणि सहज भाषेत ते समजावून सांगतात. त्यामुळे ते  आपल्या वऱ्हाडी भाषेने नागरिकांमध्ये चांगलेच लोकप्रिय झाले आहे. या कार्यक्रमासाठी वणी-झरी-मारेगाव तालुक्यातील विध्यार्थी, युवक व  नागरिकांनी उपस्थित रहावे असे आव्हान आयोजकांच्या वतीने करण्यात आले आहे.