राष्ट्रीय नवोपक्रमशील शिक्षक पुरस्कार 2021 निलेश सपाटे यांना प्रदान करण्यात आला

राष्ट्रीय नवोपक्रमशील शिक्षक पुरस्कार 2021 निलेश सपाटे यांना प्रदान करण्यात आला

राजु गोरे (प्रतिनिधी):    सिंहगड इन्स्टिट्यूट लोणावळा,  जि-पुणे येथे स्टेट इनोवेशन अँड रिसर्च फाउंडेशन ( सर फाउंडेशन) सोलापूर द्वारा आयोजित नॅशनल लेव्हल एज्युकेशनल इनोव्हेशन कॉन्फरन्स 2021 मध्ये जि प उच्च प्राथमिक शाळा, परमडोह पं स  वणी येथील उपक्रमशील शिक्षक श्री निलेश सपाटे गुरुजींना "वर्तमानपत्रातील आव्हानांची... जीवनाशी सांगड" या नवोपक्रमाची निवड करून त्यांना "राष्ट्रीय स्तर इनोव्हेशन अवॉर्ड 2021" थोर शास्त्रज्ञ मा. अरविंद नाथू सर, साखर आयुक्त महाराष्ट्र मा. शेखर गायकवाड साहेब(IAS), Ad. DGP महाराष्ट्र मा. अतुलचंद्र कुलकर्णी साहेब(IPS), माजी डायरेक्टर MSCERT मा.डॉ.शकुंतला काळे मॅडम, डेप्युटी डायरेक्टर MSCERT मा.विकास गरड साहेब, शिक्षणतज्ञ व लेखक मा. डॉ. ह. ना.जगताप सर, राष्ट्रपती पुरस्कार प्राप्त शिक्षक मा.दत्तात्र  वारे गुरुजी यांच्या हस्ते सन्मानचिन्ह आणि प्रशस्तीपत्र देऊन गौरविण्यात आले. 

राष्ट्रीय स्तर इनोव्हेशन अवॉर्ड 2021 करीता  महाराष्ट्र, गुजरात, जम्मू काश्मीर, हरयाणा,कर्नाटक तसेच संपूर्ण भारताच्या विविध भागांतून 1200 शिक्षकांनी नवोपक्रम सादर केले त्यातील 103 सर्वात उत्कृष्ट नवोपक्रमाची निवड करून गौरविण्यात आले. यामध्ये जि प  शाळा परमडोह येथील श्री निलेश सपाटे गुरुजी यांच्या नवोपक्रमाची पण निवड करण्यात आली. 

श्री निलेश सपाटे गुरुजींनी मागील आठ वर्षात यवतमाळ जिल्हातील वणीमधील अगदी टोकावरील परमडोह गाव येथील  शाळेत अनेक गुणवत्तापूर्ण उपक्रम राबवून जि प उच्च प्राथमिक शाळा, परमडोह येथील     विद्यार्थ्यांची गुणवत्ता वाढविली आहे. श्री सपाटे गुरुजी मार्फत विद्यार्थ्यांच्या गुणवत्ता वाढी सोबतच शारीरिक, मानसिक, सामाजिक विकासासाठी शाळा स्तरावर अनेक नाविन्यपूर्ण उपक्रम राबविले जातात. परमडोह येथील शेतकरी कुटुंबातील विद्यार्थ्यांना विमानातुन दिल्ली वारी घडविली आहे.

जि प शाळा, परमडोहची  शालेय गुणवंतामुळे  जिल्हात ओळख निर्माण झाली असून गावातील एकही विद्यार्थी खाजगी इंग्रजी माध्यमाच्या शाळेत जात नसून अनेक बाहेर गावचे विद्यार्थी  परमडोह येथे शिक्षणाकरिता येऊन राहतात. यावरून येथील शिक्षकांची मेहनत दिसून येते.

श्री निलेश सपाटे गुरुजींना  मिळालेल्या पुरस्काराकरिता श्री प्रमोद सूर्यवंशी साहेब शिक्षणाधिकारी यवतमाळ,  मा.श्री गायनर साहेब गटविकासाधिकारी  वणी, मा. श्री देवतळे साहेब गटशिक्षणाधिकारी पं स वणी, मा. श्री मधुकर पाटील वाभीटकर सरपंच परमडोह,श्री संदीप थेरे, श्री सूर्यभान कोडापे अध्यक्ष शाळा समिती,केंद्र प्रमुख श्री विनोद उईके सर,  श्री हंसराज काटकर सर मुख्याध्यापक व पालक वर्ग यांचा द्वारे अभिनंदन करण्यात आले आहे.