नाना पटोले यांनी अखेर दिला विधानसभा अध्यक्षपदाचा राजीनामा..!आता कोणती जबाबदारी येणार..

मुंबई (भारतीय वार्ता): विधानसभेचे अध्यक्ष नाना पटोले यांनी आपल्या पदाचा राजीनामा दिला आहे. विधानसभेचे उपाध्यक्ष नरहरी झिरवळ यांच्याकडे नाना पटोले यांनी आपला राजीनामा सोपवला. पटोले यांच्या राजीनाम्यामुळे अध्यक्षपदाचा पदभार उपाध्यक्ष असलेल्या झिरवळ यांच्याकडे आला आहे.उपाध्यक्ष याची जबाबदारी वाळली आहे.

राज्यात काँग्रेस प्रदेशाध्यक्ष बदलाच्या हालचालींना वेग आला आणि या पदासाठी नाना पटोले यांच्या नावावर जवळजवळ शिक्कामोर्तब करण्यात आलं आहे. त्यामुळे पटोले यांनी विधानसभा अध्यक्षपदाचा राजीनामा दिला आहे. लवकरच काँग्रेस हायकमांडकडून महाराष्ट्र प्रदेशाध्यक्षपदी नाना पटोले यांच्या नावाची अधिकृत घोषणा होण्याची शक्यता नाकारता येत नाही.
नाना पटोले यांच्या रिक्त जागेवर काँग्रेसच्या तीन प्रमुख नेत्यांची नावं चर्चेत आहेत. भोर विधानसभा आ. संग्राम थोपटे यांचे नाव पुढे आले आहे. महाविकास आघाडीत मंत्रिपद न मिळाल्यामुळे संग्राम थोपटे यांच्या कार्यकर्त्यांनी पक्ष कार्यालयाची तोडफोड केली होती. त्यामुळे संग्राम थोपटे यांना संधी देऊन पुणे जिल्ह्यात काँग्रेस वाढवण्याचा प्रयत्न केला जाऊ शकतो. राष्ट्रवादी त्यांच्या नावाला अनुकूल राहील का याविषयी वेगवेगळे तर्क आहेत. दुसरे नाव हे सुरेश वारपूडकर यांचे आहे. अमीन पटेल हे मुंबईतील आमदार असून त्यांचे नावदेखील चर्चेत आहे. त्यामुळे अध्यक्ष कोण ?