पैनगंगा-मुंगोली खाणीच्या जड वाहतुकीमुळे मुंगोली पूल जीर्णावस्थेत..!

जीव मुठीत घेऊन नागरिकांची रहदारी..!

घुग्गुस येथील नकोडा पैनगंगा-मुंगोली खाणीच्या जड वाहतुकीमुळे मुंगोली पूल जीर्णावस्थेत असून ठिकठिकाणी मोठे खड्डे पडले आहेत. तर अनेक ठिकानी सलाखी बाहेर निघाले असून या मार्गावरील गावकऱ्यांना, दुचाकीधारकाना जीव मुठीत घेऊन रहदारी करावी लागत आहे.याकडे मात्र वेकोली प्रशासनाचे जाणीवपूर्वक दुर्लक्ष होत आहे.

घुग्गुस शहराला लागून वेकोलीच्या अनेक कोळसा खाणी आहेत. अशातच या पुलावरून मुंगोली पैनगंगा कोळसा खाणीतून दिवसरात्र कोळसा भरून असलेल्या ट्रक ची वाहतूक सुरू असते.त्यामुळे पुलाचे तीनतेरा वाजले असून ठिकठिकाणी मोठे खड्डे पडले आहेत. तर सलाखी सुद्धा बाहेर निघाले आहेत. याच मार्गावर अनेक गाव असून या मार्गावरून दुचाकी व चारचाकी वाहनधारक सुद्धा येजा करतात. त्यामुळे मोठ्या अपघाताची शक्यता नाकारता येत नाही. त्यामुळे या पुलाचे काम लवकरात लवकर करावे अशी मागणी नागरिकांनी केली आहे.