भारतीय राजकीय क्षितिजावर नव्याने उदयास आलेली सिध्दहस्त महिला नायिका श्रीमती ममता बॅनर्जी ! 

भारतीय राजकीय क्षितिजावर नव्याने उदयास आलेली सिध्दहस्त महिला नायिका श्रीमती ममता बॅनर्जी !

वणी: भारतीय राजकीय क्षितिजावर सिध्द झालेले स्वयंसिद्ध कणखर सिद्धहस्त नेतृत्व असलेल्या श्रीमती ममता बॅनर्जी . अतिशय उच्च शिक्षित असलेल्या व  (ओरिजिनल डीग्र्या असलेल्या तेही भारतातल्या सर्वात जुन्या विद्यापीठाच्या) इतिहास विषयावर पकड असलेल्या एक आजन्म अविवाहित असलेल्या एक सक्षम  व पर्यायी नेतृत्व म्हणून संपूर्ण बंगाल त्यांच्या कडे बघतो . तसा भारतीय स्वातंत्र्य इतिहासाचा अभ्यास केल्यास बंगाल आणि महाराष्ट्रातील नेत्यांनी या देशाला मोठे नेते दिलेत आणि स्वातंत्र्य लढ्याचे नेतृत्व केले आहे.पण बंगाली अस्मिता व मराठी अस्मितेवर जेव्हा जेव्हा कोणी ठेच पोहचवन्याचा प्रयत्न केला आहे त्यावेळी बंगाली माणसाने  आणि मराठी माणसाने त्या करंटयांना शिंगावर घेतले आहे आणि आप आपल्या अस्मितेवर कोणी उठले तर काय हाल होतात हे दाखवून दिले आहे. राष्ट्रपुरुष म्हणून आपला रथ सर्वात पुढे हाकणाऱ्यांचे मनसुबे नेस्तनाबूत करून ममता दीदींनी(ताईंनी)हे दाखवून दिले की त्यांनी राजकारणात आणि समाजकारनात त्यांचं स्थान काय आहे ते .35 वर्ष बंगाल वरती एकछत्री अमल असणाऱ्या डाव्या पक्षांची सत्ता उलथवून आपले नेतृत्व त्यांनी यापूर्वीच त्यांनी सिद्ध केली आहे. स्वतःच्या मनगटाच्या ताकदीवर एखादा पक्ष उभा करणे किंवा संघर्ष रत राहून  सत्तेत आणणे ही सहज बोलण्या इतकी बाब नाही.  तृणमूल काँग्रेस च्या ममता बॅनर्जी स्वतः  नेतृत्व त्यांच्या त्यांच्या पक्षाचे करतात पण त्यात ममता दिदी ह्या आजमितीला सर्वात उजव्या ठरल्या. आजच्या मिळालेल्या यशाने ममता बॅनर्जी यांना भारतीय राजकीय क्षितिजावर एक भक्कम व महत्त्वाचे स्थान प्राप्त झाले आहे. भविष्यात त्या आपल्या अकुंठीतराबुद्धी वैभवाने त्या राष्ट्रीय  राजकारणाला प्रभावित करतील यात शंका नाही.

 साभार व शब्द रचना,

अमित उपाध्य (वणी)