मोहोळ येते मुलीच्या वसतिगृहाचे व म. से. संघ कार्यालयाची निर्मितीकडे वाटचाल

पंढरपूर ( भारतीय वार्ता   ) :   मराठा सेवा संघाच्या मोहोळ तालुका कार्यालयाचे व मराठा समाजातील मुलींच्या वसतीगृहाचे कोनशिला पुजन गुणवंत विद्यार्थीनींच्या व शेतकरी आत्महत्याग्रस्त कुटुंबातील व्यक्तींच्या हस्ते करण्यात आले. यावेळी मराठा सेवा संघाचे जिल्हाध्यक्ष शिवश्री तात्यासाहेब पाटील, मराठा सेवा संघ व सर्व कक्षांचे पदाधिकारी उपस्थित होते. जिजाऊ वंदनाने कार्यक्रमाला सुरुवात झाली. 
मराठा सेवा संघाचे मोहोळ तालुकाध्यक्ष शिवश्री मनोजजी मोरे यांनी मराठा सेवा संघाच्या वतीने उपस्थितांचे स्वागत व आभार मानले. पंढरपूर विभाग जिल्हाध्यक्ष शिवश्री तात्यासाहेब पाटील यांनी मराठा सेवा संघांची वैचारिक भुमिका स्पष्ट करून आदरणीय खेडेकर साहेबांच्या विचाराने मोहोळ तालुका मराठा सेवा संघ कार्य करत असुन मुलींच्या वसतीगृहासाठी गुंड परिवाराने जागा उपलब्ध करून दिल्याबद्दल मराठा सेवा संघाच्या वतीने आभार मानले.मराठा सेवा संघाने समाजातील आत्महत्याग्रस्त शेतकर्‍यांच्या कुटुंबियांना, गरीब विद्यार्थ्यांना मदत करण्याची भूमिका घेतली आहे व यापुढेही घेऊ असे मत व्यक्त केले.