कवडशी जंगल परिसरात मोह दारू मुद्देमाल 4 लक्ष 62 हजार जप्त..

चिमूर: आज दि.6 मे ला उपविभागीय पोलीस अधिकारी नितिन बगाटे यांना गुप्त माहिती प्राप्त झाली असता यांचे नेतृत्वात पोलीस निरीक्षक रवींद्र शिंदे, सहायक पोलीस निरीक्षक मंगेश मोहोड पोलीस अंमलदार कैलास आलाम, प्रविण गोन्नाडे मनोज ठाकरे, शंकर बोरसरे यांनी साफळा रचून खात्रीशीर गुप्त माहितीवरून कवडशी जंगल परिसरात दारूबनवून विक्री वर रेड केली असता, आरोपी राहुल रामटेके व प्रशांत शंभरकर रा. कवडसी हे पोलीसांची चाहुल लागताच जंगलाचे दिशेने पळुण गेले. घटनास्थळी पाहणी केली असता घटनास्थळावर 150 लीटर मोहादारू किंमत 1,80,000 रु ,मोहासडवा किंमत 2,66,000 मोहादारु काढणे करीता लोखंडी शेगड्या, लोखंडी/ प्लास्टिक ड्रम, जर्मन कुंडे, लोखंडी पिपे इ. साहित्य किंमत 16,900 असा एकुण रू. 4,62,900 मुद्देमाल मिळुन आला. यातील आरोपी राहुल रामटेके व प्रशांत शंभरकर सर्व रा. कवडशी याचेवर दारुबंदी कायद्या अंतर्गत पोलीस ठाणे चिमूर येथे पोलीस ठाणे गुन्हा दाखल करण्यात आलाअसून . सदरची कार्यवाही पोलीस अधिक्षक अरविंद साळवे, अप्पर पो. अधीक्षक अतुल कुलकर्णी यांचे मार्गदर्शनात उपविभागीय पोलीस अधिकारी नितिन बगाटे आय पी एस यांचे नेतृत्वात पोलिस निरीक्षक रवींद्र शिंदे, एपीआय मंगेश मोहोड पोलीस अंमलदार कैलास आलाम, प्रविण गोन्नाडे, मनोज ठाकरे, शंकर बोरसरे यांनीही कामगिरी केली.