आदिवासी भागातील शाळा अत्याधुनिक करणार : प्राजक्त तनपुरे.

 कोरपना येथे राष्ट्रवादी काँग्रेस चा मेळावा

मारोती डोंगे (कोरपना) - शिक्षण ही मानवाची मूलभूत गरज आहे. या शिक्षणामुळेच मानवाचा सर्वांगीण विकास होतो. यादृष्टीने आदिवासी भागातील शाळा सोयीसुविधांनी अत्याधुनिक करण्याचा प्रयत्न करणार असल्याचे मत उच्च व तंत्रशिक्षण, नगर विकास, आदिवासी कल्याण, मदत व पुनर्वसन राज्यमंत्री प्राजक्त तनपुरे यांनी कोरपना येथे तालुका राष्ट्रवादी काँग्रेस पार्टी तर्फे आयोजित  मेळाव्यात व्यक्त केले.

याप्रसंगी अर्जुनी मोरगाव चे आमदार मनोहर चंद्रिकापुरे, राष्ट्रवादी काँग्रेसचे जिल्हाध्यक्ष राजेंद्र वैद्य, चंद्रपूर महानगरपालिकेचे नगरसेवक संजय वैद्य, युवक अध्यक्ष नितीन भटारकर, जगदीश जुनघरी, अरुण निमजे, सय्यद आबिद अली, महिला अध्यक्ष बेबीताई उईके, तालुकाध्यक्ष शरद जोगी, मेहमूद मुसाभाई, नगरसेवक सुहेल अली आदी उपस्थित होते. यावेळी उपस्थित यांनी मार्गदर्शन केले. पुढे बोलताना तनपुरे म्हणाले, राज्यातील नागरिकांना स्वस्त वीज मिळावी. यासाठी राज्य शासन प्रयत्न करीत आहे. यादृष्टीने सौर उर्जेवर आधारित ऊर्जा निर्मितीला वाव दिल्या जात आहे.तसेच विविध कल्याणकारी योजना शासनातर्फे राबविण्यात येत आहे. त्याचा लाभार्थ्यांनी लाभ घ्यावा असे त्यांनी आवाहन केले. तसेच याप्रसंगी तालुक्यातील विविध पक्षातील अनेक कार्यकर्त्यांनी  राष्ट्रवादी काँग्रेस प्रवेश घेतला. यावेळी मोठ्या संख्येने राष्ट्रवादी काँग्रेसचे पदाधिकारी व कार्यकर्ते उपस्थित होते.

कोरपना येथे  विज्ञान व वाणिज्य महाविद्यालय सुरू करणार

कोरपना येथे विज्ञान व वाणिज्य विद्याशाखेचे पदवी-पदव्युत्तर महाविद्यालय नाही. यादृष्टीने येथे या विद्याशाखा सुरू करण्यासाठी प्रयत्न करणार असल्याचे मत राज्याचे तंत्रशिक्षण राज्यमंत्री तनपुरे यांनी पत्रकारांशी वार्तालाप करताना व्यक्त केले.