मतदार संघाचा चौफेर विकास करणार -आमदार प्रतिभाताई धानोरकर 

भद्रावती तालुक्यातील विविध ठिकाणी ७ कोटींच्या कामाचे भूमिपूजन व लोकार्पण

चंद्रपूर : मतदार संघाच्या चौफेर विकास व्हावा, दळणवळणाची साधने मोठ्या प्रमाणात निर्माण व्हावी, शेतकरी आर्थिकदृष्ट्या आत्मनिर्भर व्हावे यासाठी खासदार बाळू धानोरकर व आमदार प्रतिभाताई धानोरकर नेहमी आग्रही असतात. त्यांच्या माध्यमातून भद्रावती तालुक्यातील विविध ठिकाणी ७ कोटी ३९ लाख रुपयाचा विकासकामांचे तीन दिवस खासदार बाळू धानोरकर व आमदार प्रतिभाताई धानोरकर यांच्या हस्ते भूमिपूजन व लोकार्पण करण्यात आले.

यावेळी  तालुका अध्यक्ष भद्रावती प्रशांत काळे, सुधीर मुळेवार, भोजराज झाडे, संजय पांडे, पांडुरंग आगलावे, महिला तालुका अध्यक्ष वर्षा ठाकरे, बाळू चिंचोलकर, प्रमोद मगरे, शिल्पा भोसकर, गंगाधर गेडाम, प्रवीण बंडुरकर, नयन जांभुळकर, अनिल चौधरी, सलाम शेख, भानुदास धवस, शहर अध्यक्ष सुरज गावंडे, महेश मोरे, चंदू दानव, भानुदास गायकवाड यांची उपस्थिती होती.

गाव हा ग्रामीण व्यवस्थेतील महत्वाचा घटक असून त्यांच्या विकासकामांना गती देण्यात येत आहे. विकासकामासाठी आवश्यक असणारा पाठपुरावा आणि यासाठी लागणाऱ्या निधीत कोणत्याही प्रकारची कमतरता भासू देणार नसल्याचे आमदार प्रतिभाताई धानोरकर यांनी म्हंटले आहे. त्यासोबतच या कामाव्यतिरिक्त इतरही कामे लवकरच मतदार संघात करण्यात येणार असल्याचे त्यांनी सांगितले.