कपाशी पिकावरील गुलाबी बोंडअळीचे एकात्मिक किडव्यवस्थापन मोहीम अंतर्गत मौजा खांदला येथे मास ट्रपिंग कार्यक्रम संपन्न

कपाशी पिकावरील गुलाबी बोंडअळीचे एकात्मिक किडव्यवस्थापन मोहीम अंतर्गत मौजा खांदला येथे मास ट्रपिंग कार्यक्रम संपन्न

भारतीय वार्ता:   महाराष्ट्र शासन कृषि विभाग तालुका कृषि अधिकारी कार्यालय, वणी यांचे वतीने उपविभागीय कृषि अधिकारी, पांढरकवडा श्री. जगन राठोड व तालुका कृषि अधिकारी, वणी श्री. सुशांत माने यांचे मार्गदर्शनामध्ये मौजा खांदला येथील ग्रामपंचातय कार्यालयात दिनांक 10.08.2021 रोज मंगळवारला सकाळी 9.00 वाजता मार्गदर्शन सभा घेण्यात आली.

सभेच्या अध्यक्षस्थानी“खांदला येथील सरपंच श्री. हेमंतजी गौरकार हे होते व कार्याक्रमास प्रमुख मार्गदर्शक श्री. पवन कावरे, मंडळ कृषि अधिकरी, कायर हे  उपस्थित होते. खांदला येथिल कृषि सहायूक श्री. मुकेश पत्रे यांनी आपल्या प्रास्ताविकात कृषि विभागाच्या विवीध योजना कपाशी पिकावरील गुलाबी बोंड अळीचे एकात्मीक व्यस्थापन तसेच किटकनाशके खरेदी करतांना घ्यावयाची काळजी व विषबाधा याबाबत उपस्थित शेतक-यांना सविस्तर माहीती दिली. प्रमुख मार्गदर्शक श्री. पवन कावरे यांनी कपाशी पिकावरील गुलाबी बोंडअळीचे एकात्मिक नियंत्रणाबाबत तसेच तुर व सोयाबिन पिकावरील किड नियंत्रणाबाबत मार्गदर्शन केले. तसेच श्री. डोमेश्वर बरडे कृषि सहायक, नांदेपेरा यांनी किटकनाशके खरेदी करतांना घ्यावयाची काळजी व फवारणी करतांना घ्यावयाची काळजी बाबत मार्गदर्शन केले या प्रसंगी उपस्थित शेतमजुर यांना श्री.

हेमंतजी गौरकार, सरपंच खांदला यांचे हस्ते प्रातिनिधिक स्वरुपात पाच शेतक-यांना संरक्षीत फवारणी किटचे वाटप करण्यात आले.

तसेच खांदला येथील 50 शेतकरी बांधवांना कामगंध सापळे व लुर्सचे वाटप करण्यात आले. प्रत्यक्ष कापुस पिकाची पाहणी करुन कामगंध कापळे लावण्याबाबतचे प्रात्यक्षिक शेतात करुन दाखविण्यात आले. तसेच वाटप करण्यात आलेले कामगंध सापळे कापुस पिकात कापुस पिकाच्या कमीत कमी एक फुट ऊंचीवर लावण्याचे आवाहन शेतकरी बांधवांना करण्यात आले. आभार प्रदर्शन श्री डोमेशूवर बरडे कृषि सहायक नांदेपेरा यांनी मानले. सदर खरीप हंगाम मार्गदर्शन सभैस गावातील शेतकरी मोठ्या संख्येने उपस्थित होते.