महाराष्ट्रात पेट्रोल-डिझेल पन्नास रुपये लिटर करा - संभाजी ब्रिगेड

महाराष्ट्रात पेट्रोल-डिझेल पन्नास रुपये लिटर करा - संभाजी ब्रिगेड

भारतीय वार्ता (प्रतिनिधी): स्वातंत्र्यानंतर पहिल्यांदाच सर्वसामान्य माणसाचे कंबरडे मोडेल इतकी इंदर दरवाढ झाली. आज पेट्रोल 115 रुपये लिटर तर डिझेल 110 रुपये लिटर झाले. घरगुती गॅस दरवाढ सुद्धा 950 रुपये पर्यंत गेला आहे. महाराष्ट्रासह भारतीय जनतेला लुटण्याचे काम नरेंद्र मोदी सरकार करत आहे. गगणाला भिडणारी ही इंधन दरवाढ मोदी सरकारचे पाप आहे. पेट्रोल 5 रुपये आणि डिझेल सात रुपये दर कमी करणे म्हणजे लोकांची जखम कुर्तडणे आणि जखमेवर'ची खपली काढण्याचा प्रकार आहे.

80 रुपये पेट्रोल डिझेल दरवाढ झाली म्हणून बोंबलणाऱ्या स्मृती इराणी, हेमा मालिनी, राजनाथ सिंग व नरेंद्र मोदी सध्या कुठेच दिसत नाहीत. कारण यांना सत्तेची मस्ती आणि पदाची सुस्ती चढलेली आहे. नरेंद्र मोदी आणि त्यांच्या टीमला हा देश लुटायचा आहे. सर्व शासकीय कंपन्या अदानी अंबानीला विकून या देशात बलाढ्य यंत्रणांच खाजगीकरण करायचं आहे. देशभक्तीचे गाजर दाखवून व 'अच्छे दिना'च्या काळ्या रांगोळ्या काढून हा देश रसातळाला गेला. हे संघी वास्तव आहे. थोडी तरी अर्थतज्ञांकडून अक्कल विकत घेऊन तात्काळ इंधन दरवाढ 50 टक्केच्या वर कमी केली पाहिजे. म्हणून पेट्रोल डिझेलचे दर 50 रुपये लिटर पर्यंत दर कमी केले पाहिजे.

या देशात जीएसटी (GST) चे नवीन कर प्रणाली नरेंद्र मोदी सरकारने आणली. त्याला इंधन अपवाद ठेवले. पेट्रोल, डिझेल, गॅस हे सर्व जीएसटी च्या कक्षा आणावे अशी संभाजी ब्रिगेडची मागणी आहे. यासाठी नरेंद्र मोदींनी 56 इंचाच्या छाती चा वापर करावा... अशी तमाम भारतीयांच्या वतीने अपेक्षा आहे. पेट्रोल डिझेल जीएसटी कक्षात घेतली तर नक्कीच इंधन दरवाढ कमी होईल आणि सर्वसामान्य माणसाला दिलासा होईल आणि राज यांना तसे अधिकार द्यावेत.

केंद्र सरकार अत्यंत करंटे असून कपटी, सूडबुद्धीने वागणारे व अत्यंत नालायक सरकार म्हणून याची इतिहासात नोंद होईल.

सर्वसामान्य माणसाची दिवाळी 'कडू' करणाऱ्या नराधम केंद्र सरकारला तसेच गप्प बसणाऱ्या राज्यातील सर्व आमदार, खासदार, मंत्री, उपमुख्यमंत्री व मुख्यमंत्री यांना सुद्धा शुभेच्छा देणार नाही... कारण महागाई ने आमचं जगणं मुश्कील झालं आहे.

- संतोष शिंदे,
प्रदेश संघटक, संभाजी ब्रिगेड, महाराष्ट्र