महात्मा फुले यांची जयंती साजरी  !!

महात्मा फुले यांची जयंती साजरी  !!

भारतीय वार्ता (प्रतिनिधी) :  पुणे येथे 170 वर्षांपूर्वी स्त्री शिक्षणाची मुहूर्तमेढ महात्मा फुले यांनी रोवली .आपल्या मित्राच्या मदतीने त्यांनी पुण्यातील भिडे वाड्यात मुलींची पहिली शाळा सुरू केली, तत्पूर्वी त्यांनी आपल्या पत्नी सावित्रीबाई फुले यांना स्वतः प्राथमिक शिक्षण दिले. महात्मा फुले हे आर्थिक दृष्टीने सधन होते. त्यांचा स्वतःचा बांधकाम व्यावसायिक म्हणून मोठा व्यवसाय होता. कात्रजचा घाट त्यांनी बांधला. तसेच ब्रिटिश काळात त्यांनी अनेक इमारती बांधल्या आहे. त्यांनी समता प्रस्थापित व्हावी यासाठी सत्यशोधक समाजाची स्थापना केली. त्यासाठी त्यांना तत्कालीन प्रस्थापित मंडळी कडून खूप विरोध झाला होता पण त्यांनी विरोधाला तोंड देत आपल्या समाज कार्याचा रथ स्वतः च्या मनगटाच्या जोरावर पुढे रेटला. त्यांना अपत्य नसल्याने त्यांनी एका विधवा ब्राह्मण स्त्री चा मुलगा दत्तक घेतला. 

महापुरुष विचार प्रचार प्रसार व स्मारकं संवर्धन समितीच्या वतीने  क्रांतिसूर्य महात्मा ज्योतिबा फुले यांच्या जयंती निमित्त त्यांच्या तैलचित्राला  हारार्पण करून अभिवादन करण्यात आले.यावेळी समितीचे मार्गदर्शक श्री कुंतलेश्वर तुरविले,कार्यक्रम प्रमुख युवा विचारवंत सृजन गौरकार, समन्वयक लोकसेवक अमित उपाध्ये, श्री बांगडे गुरुजी, युवा नेते चैतन्य तुरविले हजर होते.