लग्न उरकून नवरा नवरीसह परतत असताना; अपघात चौघे ठार..

लग्न उरकून नवरा नवरीसह परतत असताना; अपघात चौघे ठार..

   ✍️उत्तम माने

मो.नं:8484878818

लातूर:- लातूर जिल्ह्यातील औसा तालुक्यातील चलबुर्गा पाटी जवळ सकाळी घडली घटना

लातूर जिल्ह्यातील निलंगा येथील बडूरकर यांच्या नातेवाईकांच्या परिवारातील मुलाचे पुणे येथे लग्न समारंभ संपन्न करून गावी परतत असताना सकाळी सात वाजण्याच्या सुमारास औसा तालुक्यातील चलबुर्गा पाटी जवळ अपघात झाला. या अपघातात एकाच कुटुंबातील चौघांचा मृत्यू झाला आहे. वाहनावरील नियंत्रण सुटल्याने पुलाखाली वाहन पलटी होऊन पडले त्यात ही घटना घडल्याचे समजत आहे.

आज सकाळी पुण्याहून निलंगा येथील बडूरकर यांच्या नातेवाईकांच्या मुलाचे पुण्याला लग्न समारंभ आटोपून निघाले होते दरम्यान औसा तालुक्यातील चलबुर्गा पाटी जवळ वाहनावरील नियंत्रण सुटल्याने वाहन पुलाखाली पलटी झाली. त्यात  अंश किरण बडुरकर, जय सचिन बडुरकर, अमर सचिन बडुरकर आणि प्रकाश कांबळे यांचा जागीच मृत्यू झाला आहे तर जान्हवी सचिन बडुरकर, यश किरण बडुरकर, गोदावरी सचिन बडुरकर, सचिन दिगंबर बडुरकर हे जखमी झाले असून त्यांना औसा येथील ग्रामीण रुग्णालयात दाखल केले आहे.

लग्नानंतर नवरा नवरी आणि वऱ्हाडी दोन वाहनाने गावी निघाले होते. यातील नवरा नवरी सुखरूप असल्याची माहिती मिळत आहे. यातील गोदावरी सचिन बडुरकर आणि जान्हवी सचिन बडुरकर हे गंभीर जखमी झाल्याने त्यांना लातूर येथील शासकीय वैद्यकीय महाविद्यालयात उपचारासाठी दाखल करण्यात आले आहे