शिवाजीनगर रेल्वे स्टेशन मध्ये छत्रपती शिवाजी महाराजांचे 'तैलचित्र' (प्रतिमा) बसवा. *रेल्वे प्रशासनाकडे संभाजी ब्रिगेडची मागणी

*                         भारतीय वार्ता :प्रतिनिधी (पुणे ):-

छत्रपती शिवाजी महाराजांच्या कर्तृत्वाचा इतिहास हा पुण्यातूनच रोवला गेला. छत्रपती शिवाजी महाराजांसोबत सुद्धा याच बारा मावळातील मावळ्यांनी सहकार्य, सोबत केली. प्रत्येक मावळ्याला शिवरायांच्या स्वराज्याचा अभिमान आहे आणि त्यातूनच कदाचित छत्रपती शिवाजी महाराजांचे नाव शिवाजीनगर भागाला व रेल्वे स्टेशनला दिला असेल. पूर्वीचे भांबुर्डे नंतर शिवाजीनगर झाले. परंतु रेल्वे स्टेशन स्थापनेपासून आजपर्यंत स्टेशन परिसरात प्रवेशद्वारासहित कुठेही छत्रपती शिवाजी महाराजांचा तिथे तैलचित्र (प्रतिमा) बसवली गेलेली नाही. सगळ्या भागातून प्रवासी शिवाजीनगर रेल्वे स्टेशनला येत असतात, जात असतात. म्हणून या ठिकाणी सर्वांना प्रेरणा मिळावी याकरिता शिवरायांचे तैलचित्र बसवावे अशी संभाजी ब्रिगेडच्या वतीने मागणी करण्यात आली. अन्यथा 15 आगस्ट स्वातंत्र्य दिना दिवशी या ठिकाणी आंदोलन करण्यात येईल असा इशारा देण्यात आला.

यावेळी संभाजी ब्रिगेडच्या वतीने निवेदन देऊन रेल्वे प्रशासनाला विनंती केली रेल्वे प्रबंधक यांना निवेदन देताना संभाजी ब्रिगेडचे महाराष्ट्र प्रदेश संघटक संतोष शिंदे, शहराध्यक्ष अविनाश मोहिते आदी उपस्थित होते.

आपला इतिहास आपण जपला पाहिजे. त्याची प्रतिक समाजासमोर आली पाहिजेत.सत्य आचरण ठेऊन तुम्हाला सन्मान करता येत नसेल तर कृपया अपमान तरी करू नका' एवढीच माफक अपेक्षा शिवप्रेमी म्हणून महाराष्ट्रात तुमच्याकडून करण्यात येत आहे.

शिवाजीनगर रेल्वे स्टेशनवर छत्रपती शिवाजी महाराजांची  प्रतिमा त्यांची चित्र लवकरच बसेल हा विश्वास संतोष शिंदे प्रदेशसंघटन अध्यक्ष संभाजी ब्रिगेड यानी केल्या मागणी वरून आशावाद व्यक्त केला आहे.