*पुणे मनपातील नौकर भरती प्रवेश अर्जाची किंमत कमी करा!. - संभाजी ब्रिगेड पुणे

भारतीय वार्ता :पुणे महानगरपालिकेच्या अंतर्गत वेगवेगळ्या विभागाच्या रिक्त पदाची नोकर भरती महानगरपालिकेच्या वतीने जाहीर करण्यात आली. बेरोजगारांची संख्या पुण्यासह महाराष्ट्रात भयानक आहे. राज्य सरकार ही दोन अडीच लाख पदे रिक्त असताना कुठलीही सदोष भरती प्रक्रिया राबवत नाही. त्यामुळे बेरोजगारांचे प्रमाण भयंकर वाढलं आहे. अशा परिस्थितीमध्ये सुशिक्षित बेरोजगार तरुणांकडे आई-वडिलांवर अवलंबून राहत असताना पुणे महानगरपालिकेच्या अंतर्गत नोकर भरती मध्ये प्रवेश अर्जाची किंमत ओपन साठी 1000 आणि आरक्षित वर्गासाठी 800 रुपये ठेवण्यात आली आहे. मुळात ही रक्कम जास्त आहे. महाराष्ट्र सरकारच्या वतीने घेण्यात आलेल्या आरोग्य विभाग, म्हाडा यांच्या प्रवेश अर्जाची किंमत ही 400 ते 450 होती मग असं असताना पुणे महानगरपालिकेकडून दुप्पट रक्कम वसूल करण्याची गरज काय...? महानगरपालिका सर्व खर्च हा या मुलांकडून काढून घेणार आहे का.? सध्या लोकांची परिस्थिती नाही. तसेच ही टेंडर प्रक्रिया नाही जेणेकरून किंमत ठरवली गेली ही दोषपूर्ण नाही का असा सवाल संभाजी ब्रिगेडने केला आहे.

पुणे महानगरपालिकेच्या 350 जागा असून सुमारे पाच दहा लाख अर्ज येतील असा अंदाज असू शकतो. मग याची एकूण रक्कम ही  कोटी रुपयांच्या घरात जाईल.मग हे MKCL चे भलं करण्यासाठी हा सगळा प्रपंच सुरू आहे.बेरोजगार तरुणांना लुटायच हा गोरख धंदा किंवा यामध्ये कोणाचे टक्केवारी ठरलेली आहे. जर चुकून भरती प्रक्रियेत घोटाळा झाला तरी याला सर्व प्रशासन जबाबदार असेल या विरोधात संभाजी ब्रिगेड तीव्र आक्षेप  घेणार आहे यांची नोद ठेवा.

संभाजी ब्रिगेडची  मागणी लक्षात घेता आहे की, पुणे महानगरपालिकेच्या भरती प्रक्रियेच्या प्रवेश अर्जाची किंमत ओपन साठी 500 रुपयांच्या आत व आरक्षित जागेसाठी 300 रुपयांच्या आत प्रवेश फी ठेवावी. जी आता आकारण्यात आलेली आहे, ती विद्यार्थ्यांना वापस करावे अशी संभाजी ब्रिगेडची मागणी आहे... अन्यथा संभाजी ब्रिगेड तीव्र आंदोलन करणार आहे असे आव्हान संतोष शिंदे प्रदेश संघटक, संभाजी ब्रिगेड, महाराष्ट्र यानी केले आहे.