'भट बोकड मोठा' मनुवादी विचारांवर प्रहार करणारे हे पुस्तक

'भट बोकड मोठा'
मनुवादी विचारांवर प्रहार करणारे हे पुस्तक

              नवनाथ रेपे लिखित भट बोकड मोठा हे आजच्या आधुनिक समाज ( ब्राह्मणी)  व्यवस्थेवर भाष्य करणारे उत्तम असे पुस्तक आहे. डोक्यात जे अंधश्रध्देच्या, तर्क नसलेल्या गोष्टींचे, वाईट विचारांचे जंग चढले आहेत ते काढण्याचे काम या पुस्तका मार्फत तसेच लेखकांच्या लेखणीतून होत आहेत . पुस्तकाचे नाव जरी बऱ्याच लोकांना विनोदी वाटत असले ( असे म्हण्याचे  कारण बऱ्याच लोकांनी मला विचारले की, पुस्तक विनोदी आहे का ?) तरी त्यात ह्या बिकाऊ मीडिया ने जे काही अवैचारीक विचार आपल्या समोर मांडले आहेत त्याला सडेतोड उत्तर या भट बोकड मोठा पुस्तकातून दिले आहे. 

           राजकारणी लोक आपल्या फायद्यासाठी महामानवाचा व त्यांच्या विचारांचा अपमान करत आहेत. अमरावती, दर्यापूर मध्ये झालेल्या घटना आपल्याला माहिती असेलच, छ. शिवाजी महाराजांचे नाव घेऊन हे राजकीय लोक सत्तेत येतात आणि त्यानंतर त्याच छत्रपती शिवाजी महाराजांची मूर्ती बसविण्यासाठी परवानगी नाकारतात, त्यांच्याकडे शिवरायांच नाव घेऊन मते मागायला वेळ असतो पण त्याच शिवाजी महाराजांचा पुतळा उभा करण्यासाठी जागा नसते. अशा घटनांना कुठे तरी पायबंद घातला गेला पाहिजे. लोक फक्त आणि फक्त दुसऱ्याने सांगितलेल्या गोष्टी ऐकतात त्यावर विचार न करता तर्क लावतात आणि मग गैरसमज वाढत जातात. या मागचे मूळ कारण म्हणजे वाचनाचा अभाव. आपण स्वतः तर्क लावून वाचन न करता कोणी तरी सांगितले त्यावर विश्वास ठेवतो. बहुजनांच्या हितासाठी जिवाच्या आकांताने प्रयत्न करणाऱ्या महामानवांच्या पेक्षा भारतावर वर्चस्व करणाऱ्या साडेतीन टक्के लोकांचे जे प्रेरणास्थान आहे ते कसे व किती महान आहेत ते आपल्याला वारंवार पटवून देत आहेत, परंतु नवनाथ रेपे यांच्या सारखे लेखक नेहमी आपली तळपती लेखणी घेऊन त्या भाकड व रंगवलेल्या ब्राम्हणी महापुरुषावर वैचारिक घाव घालण्यास तयारच आहेत. मनुवादी विचारांवर प्रहार करणारे 'भट बोकड मोठा' हे पुस्तक आहे . 
            शिवश्री नवनाथ रेपे आपली लेखणी अशीच तळपत राहो कारण माणूस गेला तरी त्याचे विचार नेहमी जिवंत असतात आणि चांगले विचार नेहमी जपले जातात. आपले हे दुसरे पुस्तक आहे असेच अनेक पुरोगामी विचारांचे, वैचारिक, सांस्कृतिक  पुस्तके आम्हा सर्वांसाठी आपल्याकडून वाचनासाठी येवोत हीच सदिच्छा.

शिवमती अश्विनी सविता हेमराज बिजेवार
उपाध्यक्ष वीर भगतसिंग विद्यार्थी परिषद, अमरावती

• पुस्तक घरपोच मिळेल
  संपर्क - रुक्माई प्रकाशन, अंजनडोह (बीड)
  मो. 9762626662