येनक येथे अजगर व नागाला जीवनदान..!

राजू गोरे (शिंदोला): मौजा येनक येथील सर्पमित्र अतिश शेंडे यांनी वासुदेव आत्राम यांच्या गोठ्यात असलेल्या तब्बल आठ फूट लांबीच्या अजगराला व रवींद्र बोंडे यांच्या घरी निघालेल्या नागाला सुरक्षितपणे पकडून जीवनदान दिले. या दोन्ही सापांना क़ुर्ली येथील जंगलात त्यांच्या नैसर्गिक अधिवासात आज दिनांक 7 ऑक्टोंबर रोजी सोडण्यात आले. अतिश शेंडे हे कोब्रा एडवेंचर नेचर क्लब यवतमाळ यांचे सदस्य असून ते मागील सहा वर्षांपासून सर्पमित्र म्हणून परिसरात परिचयाचे आहेत. त्यांनी आज पर्यंत हजारो सापांना पकडून जीवन दान दिले आहे.

यावेळी वनविभागाचे वनरक्षक दिनेश पाचभाई ढाकोरी बीट व गजानन चौधरी चौकीदार वनविभाग हे उपस्थित होते। तसेच हनुमान नगर येथील प्राणी मित्र राजेंद्र गोरे वार्ताहर भारतीय पोस्टल वार्ता ,श्री प्रवीण मेश्राम रवींद्र पांगुळ निलेश गोरे, काशिनाथ आत्राम हे उपस्थित होते.