अपक्षामध्ये महिला उमेदवार प्रचारात आघाडीवर..!

प्रविण गायकवाड (राळेगाव तालुका प्रतिनिधी): राळेगाव नगरपंचायत सार्वत्रिक निवडणुकीत चौदा प्रभागात इतर पक्षाने आपापले उमेदवार रिंगणात उतरविले असून अनेक प्रभागात अपक्ष उमेदवार यांनी आपली उमेदवारी दाखल केली आहे. मातब्बर पक्षाच्या उमेदवाराला प्रभाग क्रमांक १५ मध्ये अनुसुचित जमाती महिला आदर्श मंडळाच्या अपक्ष उमेदवार सौ. पुष्पा विजय किन्नाके यांनी प्रचारात आघाडी घेतल्याचे चित्र निवडणुक प्रचार रॅलीतून दिसत आहे.

राळेगाव शहरात जवळपास चाळीस वर्षांपासून आदर्श मंडळ हे क्रीडा, सांस्कृतिक, सामाजिक क्षेत्रात कार्यरत असून मंडळाच्या माध्यमातून अनेक उपक्रम राबविले आहे, ज्यामध्ये रक्तदान शिबीर, सांस्कृतिक, क्रीडा स्पर्धा, गाव विकासाठी आपलं जीवन गावासाठी अर्पण करणाऱ्या आदर्श सरपंच, गाव सुधारक भास्कर पेरे यांना मंडळाच्या वतीने दरवर्षी साजरा होत असलेल्या दुर्गा उत्सवादरम्यान बोलावून प्रभागातील व शहरातील जनतेला त्यांच्या मार्गदर्शनाचा लाभ मिळवून दिला आणि कोरोना काळात अनेक गरजूंना प्रसिद्धी न करता मदतीचा हात दिला व नुकताच मंडळातर्फे कोरोना लसीकरण शिबीर सुध्दा आयोजित केले होते.

विविध क्षेत्रात कार्यरत असलेल्या आदर्श मंडळाने प्रभागाच्या सर्वांगीण विकासासाठी मंडळाचे विजय किन्नाके यांच्या सौभाग्यवती सौ. पुष्पा विजय किन्नाके यांना निवडणुकीच्या रिंगणात उतरविले असून मंडळाचे ७७ कुटुंबीय स्वतःच्या घरातील उमेदवार म्हणून सर्व नवतरुण, युवती, जेष्ठ पुरुष महिला मंडळी सह सौ. पुष्पा विजय किन्नाके यांना विजयी करण्यासाठी प्रचारात उतरले असून सौ. पुष्पा विजय किन्नाके प्रचारादरम्यान प्रभागातील जेष्ठांचा चरणस्पर्श करून आशिर्वाद घेत असतांना मतदार स्वयंस्फूर्तीने  प्रचारादरम्यान प्रभागातील मतदार कुठलीही अपेक्षा न बाळगता आदर्श मंडळाच्या अपक्ष उमेदवार सौ. पुष्पा विजय किन्नाके व मंडळाचे स्वागत मतदार स्वयंस्फूर्तीने करीत आहे. मतदारांचा उत्स्फूर्त प्रतिसाद मिळत असल्याचे चित्र दिसत आहे.  सौ. पुष्पा विजय किन्नाके मातब्बर पक्षाच्या विरोधात एक चांगला पर्याय म्हणून प्रभाग क्रमांक १५ तील मतदार आदर्श मंडळाच्या अधिकृत अपक्ष उमेदवार सौ. पुष्पा विजय किन्नाके यांना पहिली पसंती देत  आहे.