आवळगाव रेती घाटातून रात्र पाळीला मोठया प्रमाणात अवैध रेती तस्करी..

राजकीय पक्षाच्या त्या "कमिशनखोर"कार्यकर्त्याचा रेती माफियांना आशीर्वाद असल्याचे चर्चेला उधाण 

उमेश तपासे  (चंद्रपूर-जिल्हा-प्रतीनिधी ) : जिल्हातील ब्रम्हपुरी तालुका म्हटले तर अनेक मोठ-मोठे नदी पात्र नजरेपुढे येत असतात ब्रम्हपुरी तालुक्याला वेढा घालून गेलेल्या वैनगंगा नदीचे एकही घाट अजून पर्यंत लिलाव झालेले नसल्यामुळे फार मोठया प्रमाणात रात्रीच्या वेळेस अवैध रेती चोरी सुरु असते . रेतिघाटावरील अवैध उत्खनन व वाहतुकीवर नियंत्रण ठेवण्यास उपविभागीय अधिकारी व तहसीलदार यांचे मार्फत एक नियंत्रण समितीगठीत करून त्यांच्या माध्यमातून गौण खनिज उत्खननावर प्रतिबंध घातल्या जाते परंतु ब्रम्हपुरी तालुक्यात ह्या समित्या कागदावरच असल्यामुळे आवळगाव नदी पात्रातून रोज घळीला रेती माफिया एका  मोठ्या राजकीय पक्षाचा ब्रम्हपुरीत "कमिशनखोर" नावाने प्रसिद्ध असलेल्या व्यक्ती सोबत हात मिळवनी करून रोज रात्रौ संध्याकाळी 6 ते सकाळी 6 पर्यंत अवैध रेती उत्तखनन करून माइंनिगच्या नियमाना बगल देत महाराष्ट्र सरकार चे स्वामित्वधन चोरी करून मोठया प्रमाणात अवैध रेती उपसा करून शेकडो ब्रास रेती चोरी करत आहे.

याकडे स्थानिक महसूल प्रशासन जाणीपूर्वक दुर्लक्ष देतांना दिसून येत आहे. ब्रम्हपुरी तालुक्यातील आवळगावातील घाटातून रोज रात्रौ पस्तीस ते चाळीस ट्रॅक्‍टरच्या साहाय्याने रेती उपसा करून रेती साठा घाटापासून काही अंतरावर साठवून तो मोठया वाहनांनी राजकीय पुढारी व तहसील कार्यालयातील काही अधिकारी यांच्या मदतिने नागभीड, चिमूर नागपूर भंडारा या ठिकाणी जास्त दरात विक्री करून मोठा मुनाफा कमवून विक्री करत असल्याची खात्री जनक बातमी असून या वाळू घाटावर व या वाळू माफियांवर आणखी कुठल्या मोठ्या राजकीय व्यक्तीचा आशीर्वाद आहे ...?  असा सवाल येथील जनता आता विचारू पाहत आहे.