घुग्घुस शहर काँग्रेस अध्यक्षाचे प्रवक्ते सय्यद अनवर यांना कामगार नेते अशपाक शेख यांचे चोख उत्तर..!

भारतीय वार्ता (न्युज डेस्क):     बुधवार 29 डिसेंबर रोजी घुग्घुस शहर काँग्रेस अध्यक्षाचे आंदोलन हे हास्यास्पद आहे असा आरोप येथील कामगार नेते अशपाक शेख यांनी केला.  गुरुवार 30 डिसेंबर रोजी सकाळी 11 वाजता गांधी चौक पासून लॉयड्स मेटल कंपनी गेट पर्यंत लॉयड्स मेटल कंपनीच्या प्रदूषण विरोधात भव्य मोर्चा घुग्घुस शहर काँग्रेस अध्यक्ष राजू रेड्डी यांच्या नेतृत्वात काढण्यात येत आहे.

 सध्या लॉयड्स मेटल कंपनीत एक महिन्याचे शटडाऊन चालू आहे यात सुरक्षा व प्रदूषणा संबंधित कामे जोमाने सुरु आहे तसेच प्रदूषण नियंत्रण करण्यासाठी ईएसपी यंत्र लावण्यात येत आहे. तरी सुद्धा घुग्घुस शहर काँग्रेस अध्यक्ष आंदोलन करत आहे आता या आंदोलनाची गरज नाही नगर परिषदेच्या निवडणुका येत आहे आणि स्वतःला ठेका भेटण्यासाठी  व काम भेटण्यासाठी नाटक करत आहे. त्यांना पार्टीशी काहीही घेणे देणे नाही बैठका घेत नाही व कार्यकर्त्यांना बोलवत नाही तसेच जिल्हाध्यक्ष यांच्याशी चर्चा करत नाही पार्टीच्या विरुद्ध काम करतो त्याच्या मुळे पार्टी बदनाम होत आहे. जेव्हा कंपनीत शटडाऊन नव्हते कंपनी सुरु होती कंपनीत काम सुरु होते तेव्हा मात्र मोर्चा काढला नाही आता नवीन ठेका व काम भेटण्यासाठी मोर्चा काढण्यात येत आहे. त्यांच्या वर जिल्हा काँग्रेस कमेटीने कारवाही करावी असा आरोप कामगार नेते अशपाक शेख यांनी केला.

त्यानंतर घुग्घुस शहर काँग्रेस अध्यक्ष राजू रेड्डी यांचे प्रवक्ते व कामगार नेते सय्यद अनवर यांचा समाज माध्यमात विडिओ वायरल झाला ज्यात त्यांनी लॉयड्स मेटल कंपनीत आमचा ठेका असेल तर दाखवा व दहा लाख रुपये घेऊन जा असे आव्हान केले होते. गुरवार 30 डिसेंबर रोजी याचे प्रति उत्तर देत कामगार नेते अशपाक शेख म्हणाले काल घुग्घुस प्रभारी शहर काँग्रेस अध्यक्ष यांनी प्रवक्त्यासह दावा केला होता कि आमचा ठेका नाही आहे माझ्या जवळ पुराव्यासह बिल आहे रवी रेड्डी पोड्डूटोरी भावाच्या नावाने लॉयड्स मेटल कंपनीचे बिल आहे हे दावा करत आहे कि आमचा ठेका नाही तर हे त्यांच्या कामाचे बिल आहे.