कुर्ली वन परिक्षेत्र 16 सी क्षेत्रशिवारात इसमाची दगडाने ठेचून हत्या..

शिरपूर पोलीस हत्या घडवून आणणाऱ्याच्या शोधात..! उप विभागीय पोलीस अधीक्षक यांची घटना स्थळाला भेट..!

राजू गोरे (शिंदोला) : शिरपुर पोलिस अंर्तगत येत असलेल्या कुर्ली वन परिक्षेत्र 16 सी अंतर्गत येत असलेल्या शिवणी (जा ) ते हनुमान नगर येनक शिवारात 54 वर्षीय ईसमाचा दगडाने ठेचुन खुन करण्यात आल्याची घटना11-00 वाजे दरम्यान उघड झाली असून,खुन झालेल्या ईसमाची ओळख पटली असुन त्याचे नाव शेषराव गजानन पिंपळशेंडे वय (54) रा .जुनी शिवणी येथील रहिवासी होता. त्याचा व्यवसाय हा वायरमनचा असून तो ते काम करीत होता.

ही सदर घटना जंगला मधे गुरे चरणाऱ्या ईसमास लक्षात आली असता त्यानी येनक येथील पोलिस पाटलांना घटने विषय माहिती दिली असता पोलीस पाटील यांनी घटनेची माहिती शिरपुर पोलिस स्टेशनला देण्यात आली . शिरपुरचे ठाणेदार सचिन लुले यानीआपल्या ताफ्या सोबत तीथे पोहचुन पंचमाना केला . सदर घटना ही रोड पासुन चारशे मिटर अंतरावर घडली असुन मृतकाच्या डोक्यावर, पायावर जख्मा होत्या.

हत्या झालेल्या व्यक्ती चे मृतदेह शवविच्छेदनासाठी वणी येथे पाठविण्यात आले असुन खुन करणार्‍या संशयीत आरोपीचा तपास सुरु असुन वणीवरुन एसडीपीओ संजय पुज्जलवार घटना स्थळी दाखल होउन प्रकरणाची चौकशी त्यानी केली या हत्या प्रकरणी आरोपीचा शोध सुरु असुन. हत्या झालेल्या ईसमाचा मुलगा सौरभ शेषराव पीपळशेन्डे(21) याच्या फीर्यादी वरून भादवी कलम ३०२ गुन्हा दाखल केले असुन शिरपुर चे ठाणेदार सचिन लुले आरोपीचा शोध घेत आहेत मृतक हा घरून सोमवारी दुपारी ४ वाजता गेला असुन आज 11 वाजता घरच्या मंडळींना त्याच्या मृत्युची माहीती मिळाली यामुळे घरी शोककळा पसरली आहे.