नदीत वाहून गेलेल्या इसमाचा म्रुत्युदेह आढळला 

घोंसा येथिल घटना

वणी: देविचा घट विसर्जित करतांना पुराच्या पाण्यात ईसम वाहुन गेल्याची घटना दि.१६ ऑक्टोंबर ला शनिवारी दुपारी ३ वाजताचे सुमारास घोंसा येथे घडली होती. तेव्हासापासुन त्या ईसमाचा शोध  सुरू होता अखेर  आज रविवारी २:३० वाजताचे दरम्यान त्या ईसमाचा म्रुत्युदेह शोधण्यात रेक्यु टिमला यश आले आहे.

राजू श्रीहरी बोरकुटे(५०) असे पुरात वाहुन गेलेल्या ईसमाचे नाव आहे. राजु बोरकुटे  त्यांना पत्नी, एक मुलगी, व एक मुलगा असुन ते घोन्सा येथिल डंभारे यांच्याकडे सालगडी म्हणुन शेतीकाम करित होते. नवरात्रोत्सवा निमीत्य त्यांच्या मालकाच्या घरी देवीच्या घटाची स्थापना करण्यात आली होती. शनिवार पासून देवीच्या विसर्जनाला सुरवात झाल्याने मालकाच्या घरचा घट विसर्जन करण्यासाठी राजू बोरकुटे हे गावा लगतच असलेल्या विदर्भा नदीवर गेला होता. शुक्रवारी रात्रभर  पाऊस पडल्याने नदीला पूर आला होता. या पुराच्या पाण्यात घट विसर्जित  करताना राजु च्या पायातील चप्पल निघुन गेली आणि तो चप्पल पकडत असतांनाच अचानक पुलाजवळील खोल खड्यात गेल्याने पुराच्या पाण्यात राजू वाहून गेला.

विशेष म्हणजे यावेळी गावातील काही लोक त्या ठिकाणी उपस्थित होते त्यांच्या समोरच हि घटना घडल्याची माहिती मिळाली. या दुर्घटनेची माहिती गावात पसरताच गावातील काही नागरिकांनी शनिवारी रात्री उशिरा पर्यंत त्याचा शोध घेण्याचा प्रयत्न केला मात्र त्याचा थांगपत्ता लागला नाही. त्यानंतर प्रशासनाने शोध पथकाला पाचारण करण्यात आले असता आज रविवारला सकाळी पथक घोन्सा येथे दाखल  होऊन पुरात वाहुन गेलेल्या राजु बोरकुटे यांचा शोध सुरु केला होता. शोध सुरु असतांनाच अथक परिश्रमानंतर अखेर राजु बोरकुटे यांचा आज दुपारी २-३० वाजता म्रुत्युदेह आढळुन आला असुन वणी ग्रामीण रुग्णालय त्या वर शवविच्छेदन करन्यात आले असून पुढील तपास वणी पोलीस करीत आहे.