ईश्वरचिठ्ठी एक भ्रम

ईश्वरचिठ्ठी एक भ्रम

भारतीय वार्ता (प्रतिनिधी):  तालुक्यातील मोठे गाव म्हणून अडेगाव या गावाच्या ग्रा. पं. निवडणुकीकडे सर्वांचे लक्ष. निवडणुकीचा निकाल 8/3 असा लागला. मात्र 8 मधील एक गट वेगळा होऊन दावा करू लागला. आणि 8 मध्ये 4/4 असे  दोन वेगळे गट निर्माण झाले. विरोधातील तीन सदस्य तटस्थ राहून 4/4/3 असे मते पडून, 4/4 मध्ये  ईश्वरचिठ्ठी तून अडेगावात सत्ता स्थापन झाली. पण ती बिन कामाचीच...! 
   एकीकडे पाच वर्षे सत्ता न सोडण्याचा हट्टाहास तर दुसरीकडे विरोधकांना साथ देण्याच्या विनवण्या. विरोधकांची तठस्थ भूमिका या मध्ये भरडल्या जातो तो गाव आणि गावचा नागरिक, त्यामुळे गावाच्या विकासाच्या बाता पोकळ ठरत आहे. एकीकडे लाईट बंद करून पाणीपुरवठा बंद करून गावातील लोकांना वेठीस धरण्याचा केविलवाणा प्रयत्न होत आहे. तो केवळ फक्त आणि फक्त बँक चे व्यवहार (पैसा) हातात येण्याकरिता...

          मात्र यांच्यावर बाकी सदस्यांचा विश्वासदर्शक ठराव नसल्याने व यांचे बहुमत सिद्ध नसल्याने यांचे स्वप्न धुळीस मिळाले. आता प्रत्येक वार्डची जबाबदारी त्या त्या सदस्यांवर येऊन पडली आहे. आता ती जबाबदारी घेण्याची तयारी ठेवावी, नसेल होत तर राजीनामा देण्याची तयारी दर्शवावी. कारण कुठल्याच वार्डाची कामे ईश्वर भरोसे होणार नाही. त्यामुळे  हठ्ठाहास सोडून गावाला बहुमताची किव्हा एक हाती सत्ता मिळावी या साठी प्रयत्न करावा. अन्यथा गाव अविकासाच्या मोठ्या खाईत लोटल्या जाण्याची शक्यता नाकारता येणार नाही.