यवती मोहदारू प्रकरणात निरपराध आदिवासी बांधवावर गुन्हे दाखल तर बंडू नामक दारू तस्कराला अभय: शिवसेना उपजिल्हाप्रमुख रमेश मेश्राम

वरोरा (चेतन लूतडे): कोविड मूळे महाराष्ट्रात संचारबंदी लागू करण्यात आली असून चंद्रपूर जिल्ह्यात मृत्यूचे प्रमाण वाढत आहे. याच चंद्रपूर जिल्ह्यात दारूबंदी असल्याने पूर्ण सीमा बंद करण्यात आलेले आहे. एखाद्या दुकानदाराला सुद्धा दुकान सुरु ठेवल्यास फाईन करण्यात येतो. मात्र अवैध तस्करी करणाऱ्या पांढरपेशीय वर्गातील व्यक्तीवर नाममात्र कारवाई होत आहे. 

काही दिवसापूर्वी येवती येथे मोहसाठा व भट्टीसाहित्य पकडण्यात आला होता. या प्रकरणात सहा आदिवासी बांधवावर गुन्हे दाखल करण्यात आले होते. त्यामध्ये चार आदिवासी बांधवावर खोटे गुन्हे दाखल करण्यात आल्याचे निवेदन उपजिल्हाप्रमुख रमेश मेश्राम यांना देण्यात आले. याबाबत वरिष्ठ अधिकाऱ्यांसोबत चर्चा करण्यात आली असून या प्रकरणातील लावलेले दारू प्रकरणातील खोटे गुन्हे मागे घेण्याची मागणी उपजिल्हाप्रमुखानी केली आहे.
तर दुसरीकडे पोलीस प्रवीण रामटेके यांनी 208 पेटी विदेशी दारू वरोरा येथील बोर्डा चौकात पकडली होती. या प्रकरणात सर्व ताकतीनिशी पोलिस अधिकारीनी बंडू नामक तस्कराला वाचवण्याचा प्रयत्न केला. उलट दारू पकडल्या प्रकरणी प्रवीण रामटेके यांची वरिष्ठांकडून कानउघडणी सुद्धा करण्यात आली. या दोन्ही प्रकरणांमध्ये शिवसेनेचे उपजिल्हाप्रमुख रमेश मेश्राम यांनी वरिष्ठांना व गृहमंत्रीना  निवेदन सादर केले आहे. दोन्ही प्रकरणातील खऱ्या आरोपीवर गुन्हे दाखल झाले पाहिजे अशी भूमिका त्यांनी घेतली आहे जर पोलीस प्रशासन असमर्थ असेल तर शिवसेना स्टाईल दारू तस्करांना पकडून पोलिसांच्या हातात देऊ अशी भूमिका त्यांनी घेतली आहे.

या दोन प्रकरणांमुळे पोलिसांनी प्रतिमा मलीन झाली असून वरिष्ठ अधिकाऱ्याने लक्ष देण्याची गरजेचे आहे. असे शिवसेना उपजिल्हाप्रमुख रमेश मेश्राम यांनी सांगितले.