भाजपा प्रज्ञा सेल जिल्हा कार्यकारिणीत वणीतील नगरीकाची वर्णी लागली..

वणी (प्रतिनिधी ): समाजातील शेवटच्या व्यक्तीपर्यंत भाजपचा संस्कार पोहचविण्याकरिता पक्षातर्फे नानाविध आघाड्या व सेल चे गठन केले जात आहे. बुद्धीजीवी माणसाला समाजोपयोगी कार्यात सक्रिय होता यावे म्हणून यवतमाळ जिल्ह्याच्या प्रज्ञा सेल आघाडीचे गठन दि 8 फेब्रुवारी 2021 रोजी जिल्हा भाजप कार्यालयात समारंभपूर्वक करण्यात आले.
डॉ श्रीरधरराव देशपांडे ह्यांच्या कुशल अध्यक्षतेखाली गठीत करण्यात आलेल्या आघाडीत जाणते व हाडाचे कार्यकर्ते सेवानिवृत्त प्राध्यापक महादेवराव खाडे सरांकडे कार्याध्यक्षपदाची धुरा सोपविण्यात आली असून वणीतील ख्यातनाम महाविद्यालयाचे कार्यकारी प्राचार्य डॉ प्रसाद खानझोडे ह्यांच्याकडे सरचिटणीस पदाची जबाबदारी सोपविण्यात आली. एकंदर 25 जणांच्या प्रबुद्ध कार्यकारिणीत वणीतील विधिज्ञ प्रवीण पाठक व कु पायल परांडे ह्यांची सदस्य म्हणून नियुक्ती करण्यात आली.

जिल्हा महामंत्री श्री राजूजी पडगिलवार,श्री दत्ताजी रहाणे तथा जिल्हा कार्यालय मंत्री श्री सुनीलजी घोटकर ह्यांनी सदर नियुक्ती कार्यक्रमात जिल्हाध्यक्ष श्री नितीनजी भुतडा ह्यांच्या नेतृत्वात भरीव कार्य करण्यासाठी नूतन कार्यकारणील बंदला आंनद वेक्त केला कार्यकारिणी अध्यक्ष डॉ श्रीधरराव देशपांडे ह्यांनी सदर आघाडीचा उद्देश तथा अपेक्षित कार्यप्रणालीचे विस्तृत विवेचन केले. कार्याध्यक्ष महादेवराव खाडे तथा प्राचार्य प्रसाद खानझोडे ह्यांच्या मनोगता नंतर सदर कार्यक्रमाची सांगता झाली.