मूल तालुक्यात पुन्हा एक झोला छाप डॉक्टर जेर बंद, वैद्यकीय विशेष पथकांची कार्यवाई 

झोला छाप डॉक्टरांमध्ये चागलीच खडबड

चंद्रपूर: मागील आठ वर्षांपासून कोणतेही वैद्यकीय प्रमाणपत्र जवळ नसताना खासगी दवाखाना सुरू करून रुग्णांवर उपचार करणाऱ्या देवकुमार ताराचंद बुधक या बोगस डाॅक्टरवर मूल पोलीस स्टेशन येथे शनिवार 15 मे रोजी गुन्हा दाखल करण्यात आला . मूल तालुक्यातील नांदगाव येथे वैद्यकीय व्यवसायाची कोणतीही पदवी नसताना देवकुमार ताराचंद बुधक या बोगस डाॅक्टराने मागील अनेक वर्षांपासून नांदगाव येथे एका भाड्याच्या खोलीत दवाखाना सुरू केला होता . दरम्यान, नायब तहसीलदार यशवंत पवार, संवर्ग विकास अधिकारी डाॅ. मयूर कडसे आणि डाॅ. सुमेध खोब्रागडे यांनी आपल्या पथकासह नांदगाव येथे जावून देवकुमार बुधक यांच्या दवाखान्याची चौकशी केली असता, तांटिया विद्यापीठ श्री गंगानगर राजस्थान येथे बीएचएमएसच्या तृतीय वर्षात शिक्षण घेत असल्याची माहिती देवकुमार बुधक यांनी पथकाला दिली.
पदवी नसतानाही त्यांनी वैद्यकीय व्यवसाय सुरू केल्याचे निदर्शनात आले. यावेळी दवाखान्याची झडती घेतली असता, औषध आणि रुग्णांवर उपचार करणारे साहित्य मिळाले ते जप्त करून दवाखान्याला सील लावण्यात आली .येथील तालुका आरोग्य अधिकारी डाॅ. सुमेध खोब्रागडे यांच्या तक्रारीवरून मूल पोलीस स्टेशन येथे कलम ४१९, २७६ भादंविसह महाराष्ट्र वैद्यक व्यवसायी अधिनियम २००० कलम ३३ (१), ३३ (२) अन्वये गुन्हा दाखल करण्यात आल्याने झोला छाप डॉक्टरांमध्ये चागलीच खडबड उडाली आहे.