पेटुर जवळ भिषण अपघात, भरधाव मिनी बसने शेतकऱ्यासह एका बैलाला चिरडले..!

वणी (प्रतिनिधी): वणी- मुकुटबन मार्गावरील पेटुर गावाजवळ एका भरधाव मिनी बस ने शेतावरुन बैलांना घेऊन घराकडे परतणाऱ्या एका शेतकऱ्यासह बैलांना जोरदार धडक दिल्याने एका शेतकऱ्यासह एक बैल ठार झाल्याची घटना मंगळवारी सायंकाळी ७:३० वाजताच्या दरम्यान घडली आहे. देवराव दत्तुजी बोढाले(५५) रा.पेटुर असे अपघातात मृत्यू झालेल्या शेतकऱ्याचे नाव आहे.

मंगळवार दि.२४ ऑगस्ट ला देवराव बोढाले हे शतकरी दररोज प्रमाणे शेताचे काम करण्यासाठी शेतात गेले होते. दिवसभर शेतातील कामे आटपवुन सायंकाळी ७ वाजताचे सुमारास  बैलांना घेऊन घराकडे निघाले होते. दरम्यान पेटुर गावाजवळ येताच मुकुटबन कडुन सिमेंट कंपनीतील कर्मचाऱ्यांना घेऊन वणी मार्गे भरधाव जाणाऱ्या मिनी बस क्र.एमएच-३४ एबी-८२४६ ने देवराव बोढाले व एका बैलाला  जोरदार धडक दिली. या अपघातात देवराव बोढाले यांना गंभिर मार लागल्याने त्यांना वणी येथिल ग्रामिण रुग्णालयात उपचारासाठी दाखल करण्यात आले परंतु उपचारादरम्यान त्यांचा म्रुत्यु झाला. तर बैलाला गंभिर मार लागल्याने बैलाचा ही म्रुत्यु झाला आहे. दरम्यान आज दि.२५ ऑगस्ट ला ग्रामिण रुग्णालयात देवराव बोढाले यांच्या म्रुत्युदेहावर शवविच्छेदन करण्यात आल्या नंतर नातेवाईकांनी म्रुत्युदेह ताब्यात घेण्यास नकार दिल्याने ग्रामिण रुग्णालयात तनावाचे वातावरन निर्माण झाले होते.

यावेळी पोलीस प्रशासनासह आमदार संजीव रेड्डी बोदकुरवार, वणी पंचायत समिती सभापती संजय पिंपळशेंडे यांच्या मध्यस्तिने तनाव शांत करण्यात यश मिळाले आहे. मिनी बस चालकांची विरुद्ध    २७९, ३०४,(अ),४२९,भादंवी सह कलम १३४(ऐ)(बी) मोटर वाहन कायद्या नुसार गुन्हा दाखल करण्यात आला असुन पुढिल तपास जमादार  ईरपाते करित आहे.