रवी नगर मध्ये घर फोडी..!

राखी निमित्ताने बाहेर गावी जाने वेकोली कर्मचाऱ्यास पडले माहागात

वणी (प्रतिनिधी) : राखी निमीत्त बाहेर गावी जाने वेकोली कामगारास महागात पडले असुन चोरांनी घरफोडी करुन डाव साधला. हि घटना शनिवारी मध्यरात्री दरम्यान घडली आहे. शहरातील रवि नगर मध्ये राहणारे कोलार पिंपरी खाणीत कामकरनारे रमेश गणपत भगत हे परिवारा सोबत वर्धा जिल्ह्यातील खापरी (हिंगणघाट) ईथे गेले असता शनिवारी मध्यरात्री दरम्यान अज्ञात चोरट्यांनी घराचे कुलुप तोडुन आत प्रवेश केला व बेडरूम मध्ये असलेले लोखंडी कपाट तोडुन कपाटात ठेवलेले सोन्याचे दागिने कानातील डोरले, मंगळ सुञ, अंगठी व नगदी १२ हजार रूपये असे एकुन ६७ हजाराचा मुदेमाल लंपास केले. या घटनेची माहिती आज रविवारी दि.२२ ऑगस्टला सकाळी शेजारील लोकांनी घरमालकाला सुचना दिल्याने ते  दुपारी गावावरुन परत आले व पोलीस स्टेशन गाठून घटनेची फिर्याद नोंदवीली. या फिर्यादी वरून अज्ञात चोरा विरूद्ध भादंवी कलम ४५७,३८० अंतर्गत गुन्हा नोदवीला आहे.