श्री गुरूदेव सेनेच्या कार्यकर्त्यांचा सामोर आला प्रामाणिकपणा

मिळालेले ७ हजाराचे पॅकेट केले परत

वणी: येथील तहसील परिसरात नायगाव (बु) येथील अमोल खोंडे यांचे ७ हजार रुपये पैशाने भरलेले पॅकेट पुरड नेरड येथील श्री गुरूदेव सेनेचे कार्यकर्ते महादेव काशीनाथ ताजने यांना मिळाले असता त्यांनी सदरचे जसेच्या तसे पॅकेट धारकला परत केल्याने त्यांनी आपला प्रामाणिकपणा दाखविल्याने तहसील परिसरात कौतुक केल्या जात आहे.
नायगाव (बु.) येथील गाडी चालक  असलेले अमोल खोंडे हे आज ता. २ रोजी दुपारी वणी येथे टिनपत्रे घ्यायला आले होते त्या निमित्य त्यांना तहसील मध्ये किरकोड काम असल्याने ते तेथे श्री गुरूदेव सेनेचे अध्यक्ष दिलीप भोयर यांचा झेराक्सचा व्यवसाय आहे. त्या ठिकाणी अमोल खोंडे यांनी काही झेराक्स काढल्या व ते निघून जात असताना त्यांचे पॅकेट त्याच ठिकाणी पडले असता महादेव ताजने हे दिलीप भोयर यांना संघटनेच्या कामसंबंधी भेटण्यासाठी आले असता त्यांना पैशाने भरलेले पॅकेट मिळाले असता त्यांनी यासंबंधीची माहिती दिलीप भोयर यांना दिली व भोयर यांनी पॅकेटची तपासणी केली असता त्यात अमोल खोंडे यांचे ड्रायव्हिंग लायसन, आधार कार्ड व त्यांचे व्हिजिटिंग कार्ड असल्याने त्यांच्या दूरध्वनी क्रमांक असल्याने त्यांना संपर्क केला व पॅकेट मिळाल्याची माहिती दिली व पॅकेट घेऊन जाणांसाठी बोलविले असता ते आले व त्यांना सदरचे पॅकेट परत केले यावेळी श्री गुरूदेव सेनेचे अध्यक्ष  दिलीप भोयर, पुंडलिक मोहितकर, महादेव ताजने, निखिल झाडे आदि उपस्थित होते. अमोल खोंडे यांना त्यांचे पॅकेट परत मिळाल्याने त्यांच्या आनंद द्विगुणित होताना दिसून येत होता व त्यांनी सर्वांचे आभार व्यक्त केले.