मा आमदार संजीव रेड्डी बोदकुरवार यांच्या हस्ते वाघाच्या हल्ल्यात ठार झालेल्या मुलाच्या कुटुंबाला धनादेश सुपुर्द.

वन विभाग पांढरकवडा यांचेकडून रुपये पंधरा लक्ष सानुग्रह नुकसान भरपाई मदत. 

आशिष साबरे (वणी-विभागीय-प्रतिनिधी) :  झरी तालुक्यातील मौजा पिवरडोल  येथिल दिनांक १०  जुलै २०२१  रोजी वाघाच्या हल्ल्यात मृत पावलेल्या युवक अविनाश लेनगुरे यांचे वारस आई वडील सौ.जयमाला व श्री.पवन लेनगुरे यांना वन विभाग पांढरकवडा यांचेकडून रुपये पंधरा लक्ष सानुग्रह नुकसान भरपाई मदत आमदार श्री संजीव रेड्डी बोदकूरवार यांचे हस्ते देण्यात आले. 

यावेळी झरी जामणी पंचायत समितीचे सभापती श्री.राजेश्वर गोन्ड्रावार व वन विभागाचे वन परिक्षेत्र अधिकारी मेहरे साहेब ,वन कर्मचारी सरपंचा सुरेखा निकोडे,उपसरपंच मोहन गुर्णुले,पोलीस पाटील उत्तम भोयर ,सचिन दुम्मनवार,रघु पाटील व ग्रामस्थ हजर होते.