मुकुटबन येथे होमगार्डची फाशी घेऊन आत्महत्या..!

दारूच्या आहारी गेल्यामुळे कौटुंबिक कलह झाला होता निर्माण

आशिष साबरे (यवतमाळ जिल्हा प्रतिनिधी) :- तालुक्यातील मुकुटबन येथे २४ ऑक्टोबर ला पहाटे 2 ते 3 वाजता दरम्यान होमगार्डने दोरीने फाशी लावून आत्महत्या केल्याची घटना घडली.मुकूटबन पोलीस स्टेशनमध्ये होमगार्ड म्हणून कार्यरत होता. मुकुटबन येथील बेघर वस्तीमध्ये राहणारा अविनाश रमेश क्षीरसागर  वय 30 याने आपल्या राहत्या घरी पाळण्याच्या दोरीला फाशी घेतली. २४ ऑक्टोबरच्या रात्री अविनाश मद्य प्राशन करून आला होता. आई व पत्नी सोबत झगडा केल्याचा  वॉर्डात चर्चा आहे. अविनाश याने झगडा केल्याने आई व पत्नी घर सोडून दुसऱ्या घरी निघून गेल्याची माहिती मिळाली आहे.

 त्यामुळे आत्महत्या करण्याचे कारण समजू शकले नाही.  मृतकाच्या पश्चात पत्नी  एक 3 वर्षाची मुलगी व आई आहे  मृतक अविनाश याने  यापूर्वीही आत्महत्येचा प्रयत्न केला होता अशी महिती आहे.घटनेची माहिती पोलिसांना मिळताच  पोलीस घटनास्थळी पोहचून पंचनामा केला व प्रेत शवविच्छेदना करिता. झरी येथे पाठवण्यात आले पुढील तपास  ठाणेदार अजित जाधव यांच्या मार्गदर्शनाखाली रंजना सोयाम , संजय खांडेकर  करीत आहे.