महाराष्ट्र राज्याचे नवीन पोलीस महासंचालक पदी हेमंत नगराळे यांची वर्णी

विदर्भ वीर हेमंतच्या कार्यात वाळ 

 भारतीय वार्ता : सुबोध कुमार जयस्वाल यांच्या जागी महाराष्ट्र राज्याचे पोलीस महासंचालक म्हणून वर्णी लागलेल्या हेमंत नगराळे यांनी नुकताच आपल्या पदाचा कार्यभार स्वीकारला. सध्या त्यांच्याकडे या पदाचा अतिरिक्त कार्यभार असेल.

हेमंत नगराळे हे मूळचे चंद्रपूरचे. चंद्रपूर जिल्ह्यातील भद्रावती येथील जिल्हा परिषदेच्या शाळेत त्यांनी सहावी पर्यंतचे शिक्षण पूर्ण केले. त्यानंतर नागपूर येथील पटवर्धन हायस्कूल मध्ये पुढील शिक्षण घेतले. हेमंत नगराळे हे मेकॅनिकल इंजिनिअर असून फायनान्स मॅनेजमेंट विषयात त्यांनी मास्टर्स केले आहे.
1987 च्या बॅचचे आयपीएस अधिकारी असलेल्या नगराळे यांच्याकडे सध्या महासंचालक पदाची ( कायदे व तांत्रिक विभाग) जबाबदारी आहे. सोबतच त्यांना महासंचालक पदाचा अतिरिक्त कार्यभार देण्यात आला आहे. पुढचे 19 महिने ते महासंचालकपदी राहू शकतात.
हेमंत नगराळे यांनी आयपीएस अधिकारी म्हणून राज्यातील अनेक जिल्ह्यासह दिल्लीतही सेवा बजाविली आहे. चंद्रपूर जिल्ह्यातील राजुरा या नक्षलग्रस्त भागात त्यांना पहिली पोस्टिंग मिळाली होती.
1992 ते 1994 या काळात ते सोलापूर मध्ये पोलीस उपायुक्त होते . सोलापूर जिल्ह्यात नवे आयुक्तालय सुरू करण्यासाठी त्यांनी बरेच प्रयत्न केले. 1992 च्या दंगलीनंतर सोलापूर मधील कायदा व सुव्यवस्थेची स्थिती त्यांनी उत्तम प्रकारे हाताळली होती. त्याबद्दल त्यांची प्रशंसा करण्यात आली होती.
रत्नागिरी जिल्हा पोलीस अधीक्षक असताना 1994 ते 1996 या काळात दाभोळ ऊर्जा कंपनीशी संबंधित भूसंपादनाचे प्रकरण त्यांनी हाताळली होतं. 1996 ते 1998 मध्ये पोलीस अधीक्षक सीआयडी व गुन्हे शाखेत विविध पदावर असताना त्यांनी राज्यव्यापी असलेल्या एमपीएससी पेपर फुटी प्रकरणाची चौकशी केली होती.
1998 ते 2002 या काळात सीबीआय साठी मुंबई व दिल्लीलाही सेवा बजावली. सीबीआयच्या सेवेत असताना बँक ऑफ इंडिया तील केतन पारेख घोटाला, माधोपुरा को-ऑपरेटिव बँक घोटाळा, हर्षद मेहता घोटाळा अशा अनेक प्रकरणाच्या चौकशीत महत्त्वाची भूमिका बजावली आहे.
पोलीस दलातील उल्लेखनीय कार्याबद्दल हेमंत नगराळे यांना अनेक मानसन्मान मिळाले आहेत. नगराळे यांना राष्ट्रपती पोलीस पदक, विशेष सेवा पदक, आणि अतिरिक्त अनेक पदक त्यानी आपल्या कार्यप्रणालीत आकस्मित केले आहे. पुन्हा जबाबदारी स्वीकारून पुन्हा कामास तत्पर झाले.