गुरुदेव सेवामंडळाच्या प्रचारकाला मारहाण

गुरुदेव सेवामंडळाच्या प्रचारकाला मारहाण

वणी(प्रतिनिधी): शहराला लागुनच असलेल्या सदाशिव नगर येथिल हनुमान मंदिरात दि.१४ऑक्टोंबर ला सदगुरूशंकर बाबा महिला भजन मंडळाचा भजनाचा व भोजनाचा कार्यक्रम चालु असतांना एक तरुण दारुच्या नशेत आला व दुर्गा देवी समोर जगन्नाथ महाराज यांचे भजन का म्हणता! असे म्हणुन हुज्जत घालत गुरुदेव भजन मंडळाचे प्रचारक विठ्ठल माटे यांना जेवणाचे ताट त्यांच्या तोंडावर फेकुन बुक्क्यांनी मारहान केली.

यात त्यांच्या ओठाला, मानेला मार लागला व त्यांचा चष्माही फुटला. ६० वर्षाच्या वयोवृद्ध तेही भजन सुरु असतांना मारहाण करने हा निंदनीय व माणुसकिला काळीमा फासणारा गंभीर प्रकार मंदिरात व तेही माता दुर्गा यांच्या अधिष्ठानाजवळ घडला. या घटनेची तक्रार विठ्ठल घुलाराम माटे यांनी वणी पोलीसात दिली. या तक्रारीवरुन पोलीसांनी शुभम चवने(२४) या तरुणा विरुध्द गुन्हा दाखल केला आहे.यावेळी गुरुदेव सेवा मंडळ व सर्व माता भगिणींनी या घटनेचा जाहिर निषेध नोंदवला आहे.