आज मतदार यादी पुनरिक्षणासाठी ६५ ग्रामपंचायतींत ग्रामसभा 

आज मतदार यादी पुनरिक्षणासाठी ६५ ग्रामपंचायतींत ग्रामसभा 

राजुरा : भारत निवडणूक आयोगाच्या निर्देशानुसार १ जानेवारी २०२२ या अर्हता दिनांकावर आधारित छायाचित्रांसह मतदार यादीचा विशेष संक्षिप्त पुनरिक्षण कार्यक्रम जाहीर केलेला आहे . त्यानुसार १ नोव्हेंबर २०२१ ला एकत्रीकृत प्रारूप मतदार यादी प्रसिद्ध करण्यात आली आहे . या अनुषंगाने राजुरा तालुक्यातील ६५ ग्रामपंचायतींमध्ये १६ नोव्हेंबरला विशेष ग्रामसभेचे आयोजन होणार आहे.

१ जानेवारी २०२२ ला १८ वर्षे पूर्ण होत आहेत अशा नवीन मतदारांनी १ ते ३० नोव्हेंबर, २०२१ पर्यंत नमुना ६ चे अर्ज भरून नवीन मतदार नोंदणी करता येईल, तसेच मतदार यादीतील चुकांची दुरुस्ती करता येईल. हा कार्यक्रम ३० नोव्हेंबर २०२१ पर्यंत सुरू राहणार असून, यादरम्यान दावे व हरकती स्वीकारण्यात येणार असल्याची माहिती राजुरा तहसीलदार हरीश गाडे यांनी दिली. १३ व १४ नोव्हेंबर, तसेच २७ व २८ नोव्हेंबरला विशेष मोहिमेचा कार्यक्रम असून, वरील नमूद तारखेत १०९ मतदान केंद्रांवर केंद्रस्तरीय अधिकारी त्यांना नेमून दिलेल्या केंद्रावर राहतील.

व हरकती स्वीकारण्यात येतील . १ जानेवारी २०२२ ला १८ वर्षे पूर्ण होत आहेत, अशांनी १ ते ३० नोव्हेंबरपर्यंत मतदार यादीत नाव नोंदवून घेण्याचे आवाहन तहसीलदारांनी केले . मतदार यादीत समाविष्ट होण्यापासून वंचित राहणार नाही , याकरिता आज १६ नोव्हेंबर २०२१ रोजी ग्रामपंचायत स्तरावर विशेष ग्रामसभेचे आयोजन करण्यात आले असून, ग्रामसभेत १ नोव्हेंबर, २०२१ ला प्रसिद्ध करण्यात आलेली विधानसभेची प्रारूप मतदार यादीचे वाचन होईल .