गोवंश तस्करी करीत असताना तीघास अटक

वणी:- शहरातील खरबडा परिसरातून गोवंश तस्करी होत असल्याची माहिती वणी पोलिसांना मिळताच पोलिसांची ११ जनावरे कोंबून नेणाऱ्या वाहनासह तिघांना जेरबंद करून जनावरांची सुटका केल्याची घटना शुक्रवारी रात्री दोन वाजताचे सुमारास घडली आहे.

     शहरातील खरबडा परिसरात वाहनात जनावरे कोंबत असल्याची माहिती ठाणेदार शाम सोनटक्के यांना मिळताच त्यांनी सहायक पोलिस निरीक्षक माया चाटसे,सुदर्शन वानोळे, अविनाश बानकर, अशोक टेकाडे, विशाल गेडाम,शंकर चौधरी यांना देत खरबडा भागात पाठविले. दरम्यान एम एच ३४ बिजी २८८४ या पिकअप मध्ये निर्दयीपणे ७ जनावरे कोंबून होती व इतर जनावरे वाहनाला बांधून असल्याचे दिसतात पोलिसांनी जनावरांची तस्करी करणाऱ्या  राजू मधुकर झिलपे २५, रंगनाथ नगर वणी,इलियास खान मुमताज अली खान ४० गोकुल नगर, शाहरुख खान लायभाय खान २८ रंगनाथ नगर यांना ताब्यात घेऊन त्यांच्याविरुद्ध महाराष्ट्र प्राणी संरक्षण कायदा १९७६ कलम ५(अ)(ब) ९,९(अ) प्राण्यांचा छळ अधिनियम १९६० कलम ११(१)(क)(घ)(ड)(च)(झ) सह मोटर वाहन कायदा १३०(३)१७७ नुसार कारवाई करून अटक केली आहे. यात ८४ हजार रुपये किमतीचे जनावरे व सात लाख रुपये किमतीचे वाहन असा एकूण सात लाख, ८४ हजार रुपयांचा मुद्देमाल जप्त करण्यात आला. जनावरांच्या चारा पाण्याची व्यवस्था करण्यासाठी त्यांना गोशाळेत पाठविले आहे. सदरची कारवाई जिल्हा पोलीस अधीक्षक डॉ दिलीप भुजबळ पाटील,अप्पर पोलिस अधीक्षक खंडेराव धरणे,उपविभागीय पोलीस अधिकारी संजय पूजलवार, ठाणेदार शाम सोनटक्के यांच्या मार्गदर्शनाखाली करण्यात आली आहे.