घुग्गुस नगरपरिषद ची निवडणूक लवकरात लवकर घेऊन शहराचा विकास करावा  ~सामाजिक कार्यकर्ते ईबादुल सिद्धीकी

घुग्गुस : चंद्रपुर तालुक्यातील घुग्गुस नगरपरिषद ची निवडणूक लवकरात लवकर घेऊन शहराचा विकास करावा अशी मागणी सामाजिक कार्यकर्ते ईबादुल सिद्धीकी यांनी निवडणूक आयोगाकडे केली आहे.23 डिसेंम्बर 2020 ला घुग्गुस ग्रामपंचायत ला नगरपरिषदेचा दर्जा देण्यात आला. आता एक वर्षाचा काळ लोटला असून अद्यापही नगर परिषद ची निवडणूक झाली नाही. तसेच येथे मुख्याधिकारी यांची नियुक्ती करण्यात आली.असे असताना सुद्धा शहराच्या विकासाला ब्रेक लागला आहे.

घुग्गुस शहराची लोकसंख्या जवळपास50 ते 60 हजारांच्या घरात आहे.शहरात अनेक मोठमोठे उद्योग व कोळसा खाण असून घुगूस शहर प्रदूषणाच्या विळख्यात सापडले आहे. तसेच शहरात वाहतूक समस्या,आठवडी बाजार, मुख्य रस्ते, अंतर्गत रस्ते, लाईट,पाणी नाली, घरकुल या सारखे मोठंमोठे समस्या असून नागरिकांना कोणत्याही प्रकारची सोयीसुविधा उपलब्ध होत नसून नागरिकांत रोष निर्माण झाला आहे.

त्यामुळे घुग्गुस नगरपरिषद ची निवडणूक लवकरात लवकर घेऊन शहराचा विकास करावा अशी मागणी सामाजिक कार्यकर्ते ईबादुल सिद्धीकी यांनी निवडणूक आयोगाकडे केली आहे.