पुसेगावच्या विकासासाठी निधी कमी पडू देणार नाही : आ. महेश शिंदे

ऐक्य समूह भूमिपूजनप्रसंगी महेश शिंदे व इतर मान्यवर.

वडूज  दि. 14 : खटाव तालुक्याच्या उत्तर भागातील मोठी बाजारपेठ असल्याने पुसेगावात विकासकामांना गती देण्यासाठी भरघोस निधीची तरतूद करण्याची ग्वाही आ. महेश शिंदे यांनी दिली.
पुसेगाव, ता. खटाव येथील नागरिकांसाठी अत्यंत अडचणीच्या असलेल्या दोन अंतर्गत रस्त्यांच्या भूमिपूजनप्रसंगी ते बोलत होते. यावेळी देवस्थान ट्रस्टचे  विश्‍वस्त व जनशक्ती संघटनेचे प्रमुख रणधीर जाधव, माजी चेअरमन सुनील जाधव, शिवसेनेचे उपजिल्हाप्रमुख प्रताप जाधव, विसापूरचे हरी सावंत, नेरचे सरपंच सुरेश चव्हाण, प्रा. टी. एन.. जाधव, प्रा.ए. डी. जाधव, प्रा. केशव जाधव, अंकुश पाटील, सूरज जाधव, रोहन देशमुख, सुसेन जाधव, मोहन जाधव, बाबू जाधव, दिलीप देशमुख, पी. डी. जाधव, विनायक जाधव, नंदकुमार जोशी, राम जाधव, जीवन जाधव, श्रीकांत पवार, डॉ. महेश भिसे, दिलीप उनउने, घनश्याम मसणे, दीपक तोडकर, अमर खटावकर, सुशील जाधव, संदीप कट्टे, कुमार जाधव, विजय सावंत, गोट्या जाधव, अविनाश जाधव, नीलेश जाधव, ओंकार जाधव, चेतन जाधव यांच्यासह जनशक्ती संघटनेचे कार्यकर्ते आदी उपस्थित होते.
पुसेगावातील जिल्हा मध्यवर्ती बँक, पोस्ट ऑफिस, सोसायटी तसेच वीज वितरण कंपनीचे कार्यालय एकाच ठिकाणी असल्याने नेहमी ग्राहकांच्या वर्दळीने बाचल गिरणीच्या पुढील रस्ता ये-जा करणार्‍या नागरिकांसाठी अडचणीचा ठरला होता. गत सहा वर्षापूर्वी या रस्त्याचे काम करण्यात आले होते. मात्र रस्त्यालगत असलेल्या गटारांच्या उंचीपेक्षा रस्ता सुमारे दोन ते तीन फूट उंच असल्याने कित्येकदा या ठिकाणी अपघात घडले होते.