माजी जिल्हा परिषद सदस्यांच्या मागण्यांची वेकोलि मुंगोली कडून पूर्तता ।

राजू गोरे (शिंदोला) :    शिंदोला परिसरातील वेकोलि मुंगोली सब एरिया अंतर्गत येणाऱ्या अनेक गावातील समस्यांसंदर्भात शिंदोला लाठी गणाचे माजी जिल्हा परिषद सदस्य श्री विजय भाऊ पिदुरकर ,वनी पंचायत समितीचे माजी उपसभापती श्री विजय भाऊ गारघाटे, सौ कल्पना टोंगे सरपंच ग्रामपंचायत येनक, डॉक्टर सुनील देवतळे, अनिल गारघाटे उपसरपंच येनक व ग्रामस्थांना सोबत घेऊन दिनांक 1/ 11 /20 21 रोजी मुंगोली सब एरिया मॅनेजर आर बी सिंह साहेब यांच्यासोबत प्रकल्पग्रस्त गावातील अनेक समस्यांबाबत निवेदन देऊन चर्चा करण्यात आली. व प्रकल्पग्रस्त गावातील समस्या तात्काळ निकाली काढाव्या याची मागणी करण्यात आली.

या मागण्यांना वेकोलि प्रशासनाकडून अतिशय योग्य प्रतिसाद मिळाला. व त्याच अनुषंगाने येते दिनांक 18 /11/ 2021 रोजी गावातील जिल्हा परिषद वरिष्ठ प्राथमिक शाळेमध्ये सकाळी नऊ वाजता आरोग्य शिबिर  वेकोलि मुंगोली आयोजित केले आहे. या शिबिरामध्ये स्त्री व पुरुषांच्या विविध आजारांची तपासणी व रोगनिदान करून औषध वितरण करण्यात येणार आहे. या आरोग्य शिबिरात विविध आजाराचे तज्ञ डॉक्टर मार्गदर्शन करणार आहेत. या आरोग्य शिबिराचा परिसरातील सर्व जनतेने लाभ घ्यावा असे आवाहन आयोजकांनी केले आहे.