चारशेवर शिक्षकांना कोरोनाची बाधा

दोनशे शिक्षक विदर्भाच्या वाटयाला विद्यार्थी आणि पालकांमध्येही भीती

भारतीय वार्ता (प्रतिनिधी) :  शालेय शिक्षण विभागाने दिलेल्या निर्देशानुसार मुंबई, ठाणे, पुणे वगळता राज्यात सोमवारपासून नववी ते बारावीचे वर्ग सुरू करण्याची तयारी पूर्ण झाली असताना चारशेवर शिक्षकांना कोरोनाची बाधा झाली तर विदर्भाच्या वाट्याला दोनशे शिक्षक आल्याने  विद्यार्थी, पालकांमध्ये भीतीचे वातावरण आहे. शाळेत शिकवायला जाणाऱ्या शिक्षकांना व शिक्षकेतर कर्मचा-यांच्या कोरोना चाचणी अनिवार्य करण्यात आली आहे. त्यात अनेक ठिकाणी शिक्षकच कोरोनाबाधित आढळल्याने एकूणच शाळा सुरू करण्याबाबत स्थानिक पातळीवर मोठा संभ्रम आहे.

विदर्भात सर्वाधिक २०० शिक्षक बाधित आढळले आहेत. मराठवाड्यात ९७, खान्देशात २३ तर पश्चिम महाराष्ट्रात १३२ शिक्षक बाधित आढळले आहेत. विशेष म्हणजे मुंबईत डिसेंबरपर्यंत शाळा बंद ठेवण्यात आल्या असल्या तरी चाचण्यांमध्ये एकही शिक्षक कोरोनाबाधित आढळलेला नाही.

शाळेत प्रवेश करण्यापूर्वी विद्यार्थ्यांची ‘थर्मल स्कॅनिंग’ करायची आहे. केवळ ‘थर्मल स्कॅनिंग’ने कोरोना डिटेक्ट होईल का, असाही सवाल शिक्षकांनी उपस्थित केला आहे.काही शिक्षक शासकीय तपासणीत पाजिटिव्ह असताना तेच शिक्षक खाजगीत निगोटीव्ह येत असल्याने शिक्षकात संभ्रम निर्माण होत आहे. तस्या चर्चा शिक्षकात रंगत आहे. 

संस्थाचालकांचा शाळा सुरू करण्यासंदर्भात नकार आहे. बहुतांश पालकसुद्धा मुलांना शाळेत पाठवायला तयार नाहीत. शाळांमध्ये कोरोना प्रतिबंधात्मक उपाययोजना करण्यासंदर्भात सोयी-सुविधांचा अभाव आहे. प्रशासन साहित्य पुरवायला तयार नाही. आता शिक्षण विभागानेही हात वर केले आहेत.