सुर्ला शाळा व्यवस्थापन समितीचे गठन

भारतीय वार्ता (प्रतिनिधी): शासन निर्णयाचे पालन करत आज जिल्हा परिषद उच्च प्राथमिक शाळा सुर्ला ता.झरी जामनी येथील शाळा व्यवस्थापन समिती चे पुनर्गठन करण्यात आले. उपस्थित सर्व पालकातून १५ सदस्यांची नियुक्ती शाळा व्यवस्थापन समितीवर करण्यात आली. शाळा व्यवस्थापन समितीचे अध्यक्ष म्हणून श्री महेंद्र मेश्राम, उपाध्यक्ष सौ.मीनाताई गजानन कनाके,तर  सदस्य म्हणून सोमेश्वर घुगुल, सौ.सुवर्णा धानोरकर, अरविंद घोरपडे, संतोष आत्राम, शुभांगी सराटे, विठ्ठल कोडापे, सौ.सपना दुधगवळी , शिक्षणतज्ञ सौ.सुषमा किशोर दुधगवली , ग्रामपंचायत सदस्य श्री मंगेश ढोरे, शिक्षक सदस्य श्री राजेश मेश्राम, विध्यार्थी स्वीकृत सदस्य म्हणून शौर्य मंगेश ढोरे, व कु.स्नेहल बाबाराव मडावी यांची निवड करण्यात आली.

निवडणूक निर्णय अधिकारी म्हणून मुख्याध्यापक श्री रमेश बोबडे यांनी काम पाहिले. निवड प्रकियेचे सनियंत्रण श्री सुरेश पेंढरवाड व श्री राशेज मेश्राम यांनी केले.शाळा व्यवस्थापन समितीच्या सत्कार  कार्यक्रमाला प्रमुख अतिथी म्हणून ग्रामपंचायत सुर्ला च्या सरपंच सौ.उषाताई दिवाकर कुडमेथे, उपसरपंच श्री चंद्रशेखर मेश्राम, तंटामुक्त समितीचे अध्यक्ष श्री रामभाऊ आत्राम उपस्थित होते. 

शाळा व्यवस्थापन समितीवर निवडून आलेल्या सर्व सदस्यांचा उपस्थित मान्यवरांच्या हस्ते सत्कार करण्यात आला.या प्रसंगी  ग्रामपंचायत सुर्ला व शाळा व्यवस्थापन समिती सुर्ला यांच्या कडून श्री सुरेश पेंढरवाड यांच्या शैक्षणिक व सामाजिक कार्याची दखल घेऊन त्यांचा  सत्कार करण्यात आला.

कार्यक्रमाला श्री गंगाधर बलकी, सर्व पालक व विध्यार्थी उपस्थित होते.