जैताणे गावात प्रथमच सत्यशोधक विवाह संपन्न 

जैताणे गावात प्रथमच सत्यशोधक विवाह संपन्न 

जैताणे २६ मे:  गावात प्रथमच सत्यशोधक विवाह सोहळा संपन्न झाला. जैताणे  येथील श्री शंकर सुकलाल भदाणे यांचे चि. गोकुळ व मेहून ता. मालेगाव जि. नाशिक येथील श्री पुंजाराम तुकाराम जाधव यांची कन्या चि. सौ. कां. नेहा यांचा सत्यशोधक विवाह कोरोणाचे सर्व नियम व अटी पाळून निसर्ग रम्य अशा  वातावरणात संपन्न झाला.
              वधू वर दोंन्ही उच्चशिक्षित असून समाजातिल अनिष्ट रूढी परंपरा यांना फाटा देत क्रांतीसुर्य महात्मा जोतिराव फुले प्रेरीत सत्यशोधक विवाह मोठ्या उत्साहाने संपन्न झाला.सदर विवाहाचे प्रास्ताविक अखिल भारतीय महात्मा फुले समता परिषदेचे धुळे जिल्हाध्यक्ष श्री राजेशजी बागुल यांनी केले तर सत्यशोधक विधी पातोंडा ता. चाळीसगाव येथील सत्यशोधक भगवान शा. रोकडे आणि सुभाष जगताप, पिंपळनेर यांनी काम पाहिले. या विवाह प्रसंगी सामजिक शैक्षणिक राजकीय आप्तेष्ट नातेवाईक उपस्थित होते.