सहकारी बँकेकडून आर्थिक मदत 

सहकारी बँकेकडून आर्थिक मदत

सिंदेवाही: आगीमुळे संपूर्ण घर भस्मसात झालेल्या कुटुंबाला दि चंद्रपूर जिल्हा मध्यवर्ती सहकारी बँक शाखा सिंदेवाही च्या वतीने आर्थिक मदत देण्यात आली. जिल्ह्याचे पालकमंत्री विजय वडेट्टीवार यांच्या हस्ते आर्थिक मदतीचा धनादेश वाटप करण्यात आला.

स्थानिक राम मंदिर चौकातील रहिवासी देवराव बाळूजी ठाकरे व संजय बाळूजी ठाकरे यांचे घर आग लागल्यामुळे  बेचिराख झाले होते. सदर दोन्ही कुटुंबांना दि चंद्रपूर जिल्हा मध्यवर्ती सहकारी बँक शाखा सिंदेवाही च्या वतीने नुकतीचआर्थिक मदत देण्यात आली. दि चंद्रपूर जिल्हा मध्यवर्ती सहकारी बँकेचे अध्यक्ष संतोष सिंग रावत यांच्या सहकार्याने पालक मंत्री विजय वडेट्टीवार यांच्या हस्ते धनादेश देण्यात आला. यावेळी सिंदेवाही नगरपंचायत चे नगराध्यक्षा आशाताई गंडाटे, जिल्हा काँग्रेसचे अध्यक्ष प्रकाश पाटील देवतळे, उपाध्यक्ष स्वप्निल कावळे, शहर नगर काँग्रेसचे अध्यक्ष सुनील उट्टलवार, सिंदेवाही तालुका काँग्रेसचे अध्यक्ष तथा जिल्हा परिषद सदस्य रमाकांत लोधे, शाखा व्यवस्थापक नीलकंठराव लेन्झे, नगरसेवक व व्यापारी संघटनेचे पदाधिकारी उपस्थित होते.