अखेर नगराध्यक्षांच्या पुढाकारातुन उपोषणाची सांगता

न.प.समोर अनुकंपा धारकांचे दोन दिवसापासुन सुरु होते आमरण उपोषण

वणी : नगर परीषद येथील अनुकंपा धारकांना अनुकंपा तत्त्वावर नियुक्ती मिळत नसल्याने अखेर अनुकंपा धारकांनी उपोषणाचे अस्त्र उगारले होते. त्यांनी सोमवारी दि.१३ सप्टेंबर ला न.प.समोरच उपोषणाला सुरुवात केली होती. पहिल्या दिवशी उपोषण मंडपाकडे कोनी फिरकुनही पाहीले नाही. मात्र दुसऱ्या दिवशी नगराध्यक्ष तारेंद्र बोर्डे यांनी पुढाकार घेत उपोषण मंडपाला भेट देऊन उपोषण कर्त्यांशी चर्चा करून व त्यांना पुर्ण सहकार्य करत जिल्हाधिकाऱ्यांकडे प्रस्ताव पाठवुन अनुकंपाधाकांच्या नियुक्ती बाबत प्रयत्न करण्याचे आस्वासन दिले. यानंतर नगराध्यक्षांनी उपोषण कर्त्याला नींबु पाणी पाजुन उपोषणाची सांगता करण्यांत आली.

सविस्तर असे की, गत १० वर्षापासून अनुकंप धारकांना  नौकरी मिळाली नाही. त्यांनी याबाबत अनेक वेळा न.प.कडे विचारणा केली असता, तुमचा ठराव मांडण्यात येईल, यापलीकडे कुठलेच उत्तर अनुकंपा धारकांना मिळाले नाही. शिवाय न.प कार्यालयातील जुण्या कर्मचाऱ्यांना बढती देऊन रीक्त पदावर अनुकंपा धारकांची नियुक्ती करण्यात यावी ही मागणी त्यांनी वारंवार केली असता.आजपर्यंत अनुकंपा धारकांना न्याय न मिळाल्यामुळे अखेर अनुकंपा धारकांनी आमरण उपोषणाचे शस्त्र उपजले  होते.शिवाय शंकर व्यंकटी झाडे अनुकंप धारकांचा तपशील मागण्यात आला असुन या उपोषण कर्त्या मध्ये ९ व्यक्ती शामिल असुन एकंदरीत एकुन २३ जन अनुकंपाचे उमेदवार असून त्यांना तात्काळ घेण्यात यावे या मागणीसह अनुकंपा धारकांनी न.प.समोर सोमवार पासुन आमरण उपोषण सुरु केले होते. अखेर नगराध्यक्ष तारेंद्र बोर्डे यांच्या पुढाकारातुन उपोषणाची सांगता करण्यांत आली.

यावेळी मुख्याधीकारी अभिजीत वायकोस, माजी नगराध्यक्ष व विद्यमान नगरसेवक पांडुरंग टोंगे,वंचितचे नेते मंगल तेलंग, किशोर मुन, राष्ट्रवादीचे युवा शहर अध्यक्ष प्रेमकुमार उर्फ निखिल ढुरके, शहर महासचिव समिर खान रहिम खान, शहर उपाध्यक्ष श्रीकांत ऐकरे ईत्यादी उपस्थित होते.