अखेर संजय राठोड यांचा पायउतार..

 भारतीय वार्ता (प्रतिनिधी) : शिवसेना आ. संजय राठोड यांनी रविवारी मंत्रिपदाचा राजीनामा मुख्यमंत्री उद्धव ठाकरे यांच्याकडे दिला होता. मात्र, राठोड यांचा राजीनामा  मुख्यमंत्री कार्यालयातच असल्याची बाब बुधवारी पुढे आली होती. याबाबत विधानसभेतही पडसाद उमटले होते. त्यानंतर सूत्रे वेगाने हलली असून राठोड यांच्या राजीनाम्यावर मुख्यमंत्र्यांनी स्वाक्षरी केली आहे. हा राजीनामा मंजुरीसाठी राज्यपालांकडे पाठवण्यात आला. राज्यपालांनी हा राजीनामा तातडीने मंजूर केला आहे. 
मुख्यमंत्री उद्धव ठाकरे यांनी संजय राठोड यांच्या राजीनाम्यावर आज स्वाक्षरी केली. हा राजीनामा पुढील मंजुरीसाठी राज्यपालांकडे पाठवण्यात आला. त्यानंतर राज्यपाल भगतसिंह कोश्यारी यांनी राठोड यांचा राजीनामा मंजूर केला असून मुख्यमंत्री उद्धव ठाकरे यांनी केलेल्या विनंतीनुसार राठोड यांच्या खात्याचा कार्यभार मुख्यमंत्र्यांकडे देण्यास मंजुरी दिली आहे.