विवाहित महिलेचा विनयभंग केल्यामुळे गुन्हा दाखल

वणी: पंचशील नगर येथे रहात असलेल्या महिलेच्या पतीचा  व्यवसाय भाजीपाल्याचा असल्याने ती भाजीपाला आणण्याकरिता बाजारात जात असताना इंदिरा नगर येथील २६ वर्षीय व्यक्ती हा नेहमी तिचा पाठलाग करून मार्गांवर राहायचा. 

अश्यातच  साईनगरी जवळ तिला रस्त्यात अडवून तिच्याशी जवळीक साधण्याचा प्रयत्न  केला व सोमवारी ५ एप्रिल रोजी नेहमी प्रमाणे ती भाजीपाला खरेदी करून घराकडे जात असतांना या युवकाने तिला रस्त्यात अडवून  बोलण्याकरिता तिच्यावर दबाव आणण्याचा प्रयत्न केला. ती प्रतिसाद देत नसल्याचे पाहून तो जोर जोराने ओरडून तिला आवाज देऊ लागला. या सर्व प्रकाराने चिडलेल्या विवाहितेने त्याला मारण्याकरिता हात उगारला असता त्याने तिचा हात पकडून मुरगळला व  तिची बदनामी करण्याची धमकी दिली. 

त्याच्या या पराक्रमाने महिला चांगलीच धास्तावली. तिने हा सर्व प्रकार आपल्या पतीला सांगितला.  ६ एप्रिलला शेजारील व्यक्तींकडून त्याच्या विषयी माहिती मिळविली व त्याचे नाव माहीती झाल्या वर तीने सोमवारी ६ एप्रिलला रात्री ८ वाजता महिला व तिच्या पतीने थेट पोलिस स्टेशन गाठून वाईट हेतू साध्य करू पाहणाऱ्या त्या युवका विरुद्ध रीतसर तक्रार नोंदविली. तक्रार प्राप्त होताच डीबी पथकाने आरोपीचा शोध घेऊन तत्काळ त्याला अटक केली. पोलिसांनी आरोपी युवा विरुद्ध भादंवि च्या कलम ३४१, ३५४(अ), ३५४(ड), ५०६ अन्वये गुन्हा दाखल केला आहे.