रंगनाथ नगर मध्ये दोन गटात हाणामारी

 सात जणांविरुद्ध गुन्हा दाखल 

वणी : शहरातील जत्रा मैदान परिसरातील न.प.च्या अग्निशामन बिल्डिंग जवळ खुल्या जत्रा मैदानावर दोन गटात जुन्या वादावरून वाद निर्माण झाला व तुंबळ हाणामारीची घटना सोमवारी रात्री ७:३० वाजता घडली. दोन्ही गटांनी एकमेकाविरुद्ध पोलिस ठाण्यात रात्री उशीरा तक्रार नोंदविली आहे. यावरून दोन्ही गटातील सात लोकांविरुद्ध विविध कलमानुसार गुन्हा नोंद केला आहे.

यातील फिर्यादी आरती गणेश पुसनाके रा. रंगनाथ नगर यांच्या तक्रारीवरून राम दशरथ देठे(३८) ,गौतम झाडे (४० ),समीर ऊर्फ कैलास शालीकराम मेश्राम (३०),गोपाल झाडे (३२) ,सर्व राहणार रंगनाथ नगर यांनी सोमवारी रात्री ७:३० वाजता दरम्यान त्याचे पत्ती गणेश पुसनाके  याला उसने पैशाच्या वादावरून लाकडी दांड्याने मारहाण करून जखमी केले या तक्रारीवरून ३२४ ,५०६,(३४) नुसार गुन्हा नोंदविला आहे. तर विरोधी गटातील फिर्यादी तेजस्विनी झाडे (२६) रा. रंगनाथ नगर यांनी गणेश पुसनाके (३६) अजय  ऊर्फ सप्नील राऊत (२३ )आणि राधा  रवी गुप्ता (२८) यांनी वाद घालुन  मारहाण करून फिर्यादीस शिवीगाळ व जीवाने मारण्याची धमकी दिली. अशा तक्रारी वरून ३२४, २९४, ५०६ (३४) अंतर्गत गुन्हा दाखल करण्यात आलेला आहे. पुढील तपास पोलिस निरीक्षक श्याम सोनटक्के यांच्या मार्गदर्शनात डोमाजी भादिकर करीत आहे.