वीज पडून शेतकरी ठार..

आशिष झाडे (अडेगाव ):  शेतात काम करत असताना अंगावर वीज पडून एक शेतकरी जागीच ठार झाल्याची घटना झरी तालुक्यातील वेदड येथे घडली. दिलीप गाडगे (वय 55) असे मृत शेतकर्‍याचे नाव आहे. वेदड परिसरात आज दुपारी विजांच्या कडकडाटात वादळी वार्‍यासह रिमझिम पाऊस झाला. 
दुपारी तीन चारच्या सुमारास वेदड परिसरातही वादळी वारे आणि विजांचा कडकडाट सुरू झाला. यावेळी दिलीप गाडगे हे पावसाचा अंदाज असल्याने शेतातील मुंगाचे ढिगारे जमा करत होते. विजांचा कडकडाट आणि पाऊस सुरू होताच ते काम थांबवून शेतात सुरक्षित ठिकाणी पडण्याच्या तयारीत असतानाच वीजेचा लोळ दिलीप गाडगे यांच्या अंगावर पडला. त्यात ते जागीच ठार झाले, वीज पडताना मोठा आवाज झाल्यामुळे शेतातील आजुबाजूच्या लोकांना घटनेची माहिती मिळाली. परंतु, दिलीप गाडगे यांचा जागीच मृत्यू झाला. झालेल्या घटनेने परिसरात हळहळ व्यक्त होत आहे.