वाघाच्या हल्ल्यात शेतकरी ठार, तालुक्यातील सलग तिसरी घटना 

गेवरा बिटातील जनता भयभीत

सावली: सावली वनपरिक्षेत्र अंतर्गत गेवरा परीक्षेत्रात कक्ष क्रमांक १५४ मध्ये काल तेंदुपत्ता संकलन करण्यासाठी गेलेल्या महिलेवर दबा घेऊन बसलेल्या वाघाने हल्ला करुन जखमी केले तर त्याच्या शोधार्थ सकाळी गेलेल्या वनविभागाच्या टिम मधील वनरक्षक संदीप चुदरी यांना जखमी केले ,तर दुपारच्या ४ वाजता सुमारास निफंद्रा येथील रामा मारबते(६०) नामक शेतकरी पाळीव जनावरांना चारा आणण्यासाठी गेला असता मंगळमेंढा रोड वरील फिल्टर लाईन च्या जवळ शेतक-यावर दबा घेऊन बसलेल्या वाघाने हल्ला चढवुन ठार केले,अक्षरशः त्याचे धड वेगळे केले, वडील आले नाही म्हणुन गावातील काही नागरिकासह मुलगा गेला असता वाघाच्या हल्ल्यात ठार झालेले दिसुन आले ,लगेच याची माहीती वनविभागाला देण्यात आली, वनकर्मचारी घटनास्थळी पोहचले चौकशी अंत वाघाच्या हल्ल्यात हा मृत्यू झाल्याचे निष्पन्न झाले असून सलग तालुक्यातील तिस-या घटनेमुळे गेवरा बिटासह तालुक्यातील जनता भयभीत झाली आहे.
जंगलव्याप्त भागात नेहमीच हिंस्त्र वन्यप्राणी वाघ,बिबट यांचा वावर असतो ,शेतक-यांचे जमीन जंगलालगत असल्याने अशा प्रकारच्या घटना घडत असताना वनविभागाने यांचा बंदोबस्त करावा, कुंपणाची व्यवस्था करावी ,व हल्ल्यात मृत झालेल्या शेतकरीस तात्काळ मदत देण्याची मागणी जोर धरत आहे